《瞬間看地球》Stranger's Blog: 2022.12.11 列支敦士登 (Vaduz、Triesenberg) (第九天)

今日行程：
列支敦士登【Vaduz】 Liechtenstein Center → Liechtensteinisches Post Museum(Liechtenstein Postal Museum) → Cafe Restaurant Engel Asian & Local(Lunch) → Red House → Viewing Platform → Schloss Vaduz(Vaduz Castle) → Känzile Viewpoint → 【Triesenberg】Edelweiss(Dinner) → Hotel Restaurant Kulm(Accommodation)

今日食早餐時，飲咗兩杯熱朱古力，呢度嘅熱朱古力實在太好飲~

今日係列支敦士登(Liechtenstein)一日遊~
列支敦士登，好耐之前已經聽過，以前唔知喺邊，只係有一個好模糊嘅印象，知道係一個國家~
開始咗歐遊之後，一直都對列支敦士登有興趣，完全冇原因的~
直至睇咗 Viutv 節目「歐遊全細界」，就真係想去遊覽吓~
不過真係好奇怪，喺節目「歐遊全細界」入面，列支敦士登係最冇嘢睇，但我就係想去，俾其他節目內介紹過嘅國家都想去~
所以無論行程點改，點唔夠時間，我都堅持保留列支敦士登，一！定！要！去！
今次去到咁近都唔去，將來都應該唔會去......
而且，列支敦士登嘅貨幣同瑞士一樣，係用 CHF 嘅，Swiss Travel Pass 亦都適用於 Vaduz，更加應該趁今次機會去埋~

食完嘢就出發，早咗到火車站，可以搭早一班車到 Sargans~
搭火車途中見到出面落緊雪，都唔細~

到咗 Sargans，雪仲越落越大，希望 Vaduz 天氣會好啲啦~

落巴士一抬頭就見到 Schloss Vaduz(Vaduz Castle)~

我今日嘅計劃係到埗後趁有日照時間遊覽半山，再落返市中心閒逛，再喺黃昏前上另一邊半山(Triesenberg)睇黃昏風景，呢邊半山亦係今晚嘅住宿地點~
咁樣嘅安排，最大問題就係點處理個篋~

做功課時幾乎冇人提過有地方可以寄存行李，係幾乎，因為我搵到一個 search result 有提過，只得一個~
得一個人提過，好難令我有信心去信晒佢(雖然對方絕無理由捏造事實)~
經我不斷搜尋，俾我喺 google map 度見到有一處標示為 Locker 嘅地方，位置同上面嗰位提過嘅吻合~
呢個標示真係好難先會發現到，冇街景睇，要將個地圖放到最大，係一定要最大，呢個標示先會出現~

Locker 位置就喺巴士站附近，但落咗巴士後，係唔會見到佢，因為巴士喺 locker 嘅後面，我哋只係會見到幅牆，要繞去正面先會見到~
見到 locker 嗰刻真係放心晒，否則就焗住要上半山去旅館先~

Fr2/24hrs，抵用過瑞士嘅唔知幾多倍！抵用到我想放足 24 小時！

呢刻嘅 Vadaz，天色比較差，上山睇風景係冇意思，而天氣報告話晏啲會好啲，我決定唔上山住，行咗市中心先~

Vaduz 雖然係列支敦士登嘅首都，但一個咁細嘅國家，首都自然都好細，而喺 Vaduz 比較有嘢睇嘅部份，都集中晒喺一條街入面~
所以我見網上面好多人都話遊覽 Vaduz，兩個鐘就夠~

Rathaus Vaduz(Vaduz City Hall)

Kunstmuseum Liechtenstein

Postmuseum Vaduz
列支敦士登發行過好多郵票，曾經有段時期，係國家主要收入~
喺度就有間郵票博物館~

Liechtenstein Center
喺呢度除咗可以買紀念品，仲可以喺護照度蓋返個 Liechtenstein 入境印，國家認可的~

行行吓見到聖誕市集，我完全唔知呢度有~

Liechtensteinisches Landes Museum(Liechtenstein National Museum)

Landtag des Fürstentums Liechtenstein(Landtag of Liechtenstein)

Regierung des Fürstentums Liechtenstein(Government of the Principality of Liechtenstein)

Kathedrale St. Florin(Cathedral of St. Florin)

滾軸溜冰場~

Vaduz 隨影~

行完就去食飯，我揀咗間有唔同亞洲菜式嘅餐廳~
Cafe Restaurant Engel Asian & Local

Apple Juice & Hot Chocolate

Pouletfleisch mit Basilikum
Chicken with basil
少少鹹多多辣，都可以嘅~

Wolfsbarsch mit Gemuse, Limonenschaum und Rosamrinkartoffeln
Sea bass with lime foam and Rosemary potatoes
未食過咁腥嘅 sea bass，不過我鍾意食魚，接受到魚腥味~

食完嘢就行上去 Red House~
Red House，其實我都唔知佢特別喺邊，只係見有人提過，只知道曾有幾個屋主，而現時係私人酒莊~
而我仍然會去，只係想搵一個目標，有個方向咁行吓，絕對係醉翁之意不在酒莊~

沿途隨影~

Red House

之後就繼續向上行，行上去 Viewing Platform~
呢個 Viewing Platform 可以話係我嚟列支敦士登最期待嘅一個地方~
但其實諗真啲，唔知有咩好期待，都只係高地風景~

行上個觀景台都幾金，行極都未到咁......
(原本個行程，呢段路係落山，但因為天氣關係，行程掉轉嚟行，而家行呢段路就變咗係上山，好吃力~)

沿途隨影~

Viewing Platform 盡頭底下係冇支架支撐的，感覺有啲驚，咁我相信都安全嘅~

個景好正，呢度，就係列支敦士登，對面就係瑞士~

不過可惜左邊同再右邊都有樹同山遮擋，景觀比較單一~
如果個台可以做出啲就好~

之後就行去 Schloss Vaduz(Vaduz Castle)~
城堡係唔開放嘅，其實去嚟都冇咩意思，但係一場嚟到，點都想去一去，話唔定風景唔錯呢~

城堡附近風景好好~

城堡行落少少就係 Känzile Viewpoint~
而家只係下午三點，已經開始有啲斜陽，估唔到咁早就有斜陽，仲諗住陣間上山睇斜陽照遍大地添~

Vaduz 叫做行晒，係時候去攞返行李再上另一邊半山(Triesenberg)，即係旅館嗰邊~
上另一邊山就要搭巴士，搭巴士上山時先知道，冬天日落太陽係唔會照到中間，所以就算天清都唔會有遍地金黃嘅景色~

到咗 Triesenberg，原來呢度都幾靚！
做功課時完全冇人提過，好彩我堅持要住喺半山！
(我唔否認住宿費平啲係其中一個因素)

景再靚都要搵旅館放低行李先，拖住個大篋行經一啲半冰半雪面嘅斜路，明明就到咗旅館，但完全搵唔到入口......
不過我好慶幸呢一吓盪失路，否則唔會見到一個咁正嘅景！

我哋而家喺旅館外圍，搵唔到入口，但見到停車場嘅車道入口，所以就經車道行入停車場，見到有部 lift，就搭佢上返地面~
出咗 lift 就到咗旅館大堂，我哋無啦啦就到咗...... XDDD

Check-in 完安置好行李就出去行吓~
我哋行經旅館正門出去，見到個環境，真係笑死！
原來巴士站一落車就係旅館正門，兩條白痴(其實係我帶路屎塔跟我行)一落車就經旅館則面小路落斜走咗去旅館後面......
我太依賴電子科技，連自己對眼都唔用，淨係睇手機地圖......
不過都好吖，有意外收穫，睇到個咁正嘅景~
我都幾相信唔係盪失路的話，我點閒逛都唔會去到旅館後面~
真係塞翁失馬焉知非福~

Triesenberg 隨影~

呢邊山都有個所謂觀景點，但視角都係窄~

我曾經花咗好多時間，想搵一個視角闊嘅半山觀景點，google map street map earth map 仲有其他人嘅遊記，真係盡咗力，但可惜都係徒勞~

要行嘅都行晒，又未夠鐘食晚飯，就返旅館休息吓先~

半山餐廳本身就唔多，有啲冬季仲要唔開~
睇過旅館內嘅餐廳菜單，唔多啱食，就去出面另一間我有記低嘅餐廳~

Edelweiss