今日佢哋搭 12:40 機返香港，時間鬆動，但當然都唔會再有咩行程~
機場停車場 drop off 只限 10 分鐘，所以我哋就喺旅館嘅停車場做定告別儀式~
喺車佢哋去機場嘅時候，又行錯路，行咗上高速公路，好遠好遠先有路返返轉頭......
好彩我預啲時間好鬆，所以都唔會太緊張~
到咗停車場，作最後告別，其實都有啲傷感，唔知下次見面係幾時~
出停車場時，入飛仔後彈返出嚟，佢係一嘢就彈咗落地下，濕咗~
之後再試都係彈返出嚟~
唯有撳鐘仔求助~
我睇中嘅停車場係 10 分鐘內出閘 £5，但對方要求我俾 £25~
經過一輪討論後，原來我入錯閘口，只好唔順氣咁俾錢，鬼叫自己入錯~
珊同媽咪喺我哋度住嗰個星期，一直期望會落雪，但冇~
一離開我哋住嘅城市，出走到 Glasgow 同 Edinburgh 就有冷峰到~
但係 Glasgow 同 Edinburgh 天氣唔錯，所以冇落雨或雪~
由其係 Glasgow，個個都話 Glasgow 天氣特別差，但我哋去嗰幾日又幾好天~
我哋揸車返到屋企時，就成個城市都被白雪覆蓋，佢哋唔夠運~
經過呢次旅程，真係極度渴望去返一次真正屬於我倆嘅旅行~
不過下次旅程已經定好，將會係五人行，至少呢次破天荒我唔駛 100% 參與計劃行程，算係輕鬆返啲~
沒有留言:
發佈留言