今日行程：
Royal Yacht Britannia → Palace of Holyroodhouse → Dean Village → Water of Leith Weir → KFC Edinburgh(Lunch) → Surgeons' Hall Museums → Edinburgh Zoo → McDonald's(Dinner)
早餐七點開始供應，由於我哋都慣咗早起身，就早啲落去食早餐，早啲出發去玩~
早餐係普通西式自助餐，選擇不多，不過一分錢一分貨，以咁嘅價位，提供咁嘅早餐，合格有餘~
今日嘅天氣預測，全日落雨，基本上落去食早餐時已經知道落緊雨~
噚日已經淋咗超過半日，今日連朝早都落埋雨，不過今日有部份時間喺室內，又衰唔晒......
今日第一站 Royal Yacht Britannia
服務皇室 44 年，據說為英女皇最喜愛遊艇，亦係彭定康當年喺香港完成港督任期後，一家乘坐離開，返回英國嘅船~
不過呢，我並沒有安排上船參觀，因為要成 £18 一個人，有啲掙扎，最後決定都係唔上~
咁反正住到咁近，就行去睇吓隻船~
出咗酒店門口，見到條馬路，令我諗起噚晚嚟嗰時~
噚晚跟住 google maps 嘅指示，酒店門口係一個迴旋處，酒店入口位於迴旋處第三個出口後~
當我去到地圖上嘅迴旋處位置，我很疑惑，迴旋處呢？
幸好附近一架車都冇，即使我喺疑惑中行得比較慢都冇影響人，不過最後都係行錯咗......
噚晚環境昏暗，加上落雨，其實真係好難睇楚道路環境，今朝再睇返，原來呢個就係迴旋處......
要走近睇 Royal Yacht Britannia，我諗就冇咩可能~
所以諗住穿過個商場，睇吓有冇看台之類可以睇到隻船~
我哋入咗商場就跟住指示，睇吓可以去到邊，睇到啲咩~
一如預期，乜都睇唔到~
睇唔到真船，就睇吓 Lego，睇吓模型~
再繼續睇吓有冇啲咩地方可以睇到隻船~
搵到有個露台，不過係一間餐廳嘅地方嚟，莫講話未開出唔到去，開咗咁又點呢？我哋又唔係顧客......
不過又咁講，就算出到露台，其實個角度都唔算好理想~
所以，基本上只能窺探到隻船嘅一小部份~
商場隨影~
期間見到隻穿梭機模型，望真啲，外層原來係 keyboard 嚟，幾特別~
下一站 Palace of Holyroodhouse
英女皇其中一個居所~
泊好車就行過去，途經側門~
本來可以一次過遊覽埋 The Queen's Gallery，不過上次嚟 Edinburgh 就例休，今次嚟就臨時休館，無緣~
Palace 嘅門票預先上網買咗，攞埋 audio guide 就開始遊覽~
外圍~
室內~
窗外~
繼續室內~
幾鍾意呢條樓梯，尤其喜歡個天花造形~
據聞，地上嘅血跡係 David Rizzio 遇害時留下的，但我覺得奇怪，如果係真嘅，冇理由唔封咗佢，任由其他人踐踏......
感覺上，呢度冇去過嘅歐洲國家嘅皇宮咁奢華，相對內歛一點~
行完室內，就走到 Holyrood Abbey~
再走到花園~
離開~
下一站 Dean Village & Water of Leith Weir
河邊一條美麗村莊~
環境上，唔似係同一條村，亦唔知邊條村打邊條村，不過呢個角落，真係相當漂亮~
沿住步道，一路行落去就會到 Water of Leith Weir~
下一站 KFC Edinburgh(Lunch)
做功課時，最頭痛就係搵嘢食，唔係唔啱食就覺得太貴唔值，對我嚟講，呢樣係喺英國搵食好易發生嘅事情~
屎塔話，其實佢冇乜所謂，食 KFC 都得~
本來我都唔係好想去食 KFC，但係真係對本地餐廳冇乜興趣，其實都係想開心，如果食 KFC 都開心嘅，何必苦惱？就 KFC 啦~
泊好車，order 完嘢食，等攞嘅時候，我醒起唔記得拎相機，放咗喺車嘅當眼處，即刻行返車攞~
行到返停車場，見到有幾部車等緊入場，唔知咩事~
跟住有個人喺停車場行出嚟，佢唔似係工作人員，邊行邊同頭位個司機講：The machine is out of service, I don't think you can get in in a short time.
跟住啲車就開始倒車走~
由我哋入閘到而家，大約十分鐘到，我哋真係好彩~
呢頭如果泊唔到呢個場，我都唔知泊邊好~
屎塔知道呢件事後，佢話可能係我整壞部機......
我當然知佢講笑，不過認真諗吓，只係撳掣出飛，開閘後入車，係咁多，係想整壞都冇能力......
下一站 Surgeons' Hall Museums
顧名思義，一個關於外科嘅博物館~
上次嚟 Edinburgh，去咗一間叫 City 嘅餐廳食嘢，呢間餐廳，正正就喺 Surgeons' Hall Museums 對面，但我都冇安排入去~
原因係睇相好似冇乜趣咁(館內不準攝影，所以都唔係睇到好多相)，上次第一次去 Edinburgh，都仲有地方想去，就冇考慮~
今次唔同，真係冇乜地方去，睇評語又好似唔錯，不如自己去探究一下~
去到門口，想話影張門口相，屎塔話，咁大雨，走先影啦，好~
不過唔知點解，入咗門口，大家都有繼續影相~ XDDD
我喺寫遊記呢一刻先發現，原來官網有 virtual tour：
https://museum.rcsed.ac.uk/about/virtual-tour
Surgeons' Hall Museums 主要分三部份：
The Wohl Pathology Museum
The History of Surgery Museum
The Dental Collection
館內有非常多嘅標本同歷史用具，至於好唔好睇，真係好個人~
標本嘅顏色，大致相同，唔係好有興趣嘅人，應該會覺得幾悶~
而我哋，就覺得幾好睇，絕對有種開眼界嘅感覺~
館內仲有啲手術模擬片段，亦有啲醫療機器可以俾人試用，係幾好嘅體驗~
醫學用嘅英文，我哋好多都唔識，咁都行咗兩個鐘有多，如果睇得明，分分鐘行到四個鐘~
期間，屎塔話，走先影門口相，係一個錯誤嘅決定~
因為走嗰時，已經入黑~
其實都冇問題嘅，我哋都只係想做個記錄，有個回憶~
下一站 Edinburgh Zoo
夜晚嚟動物園，唔係為咗睇動物，係睇燈飾~
去停車場攞車嗰時，部閘機仲未整好，再次感覺幸運，真係遲啲嚟都入唔到場~
動物園都算幾大，都行咗個幾鐘~
企鵝，係唯一一種計劃好開放俾人睇嘅動物~
唔覺意俾我哋見到山羊~
有一小段投影 show，啱晒小朋友睇~
有個燈光 show，可惜沒甚看頭~
同聖誕老人見面嘅地方，要預約嘅~
離開~
自從多年前喺日本參觀過神社嘅夜間拜觀，就抗拒/愛上呢種活動~
抗拒，因為我哋都覺得一般，唔係覺得好好睇，免費還好，冇損失，收費嘅，就覺得唔值~
愛上，每次失望過後，大家都同意唔好再俾錢睇呢啲夜燈，但係之後都經常會去俾錢參與，呢啲究竟係咩行為？
講返今次嘅 Edinburgh Zoo's Christmas Nights，£16 一個人，屎塔同我講嗰時，我沒有半點思考，就將佢加入行程，直至買飛一刻都冇動搖過~
Royal Yacht Britannia £18 一個人，思前想後，左右掙扎；Edinburgh Zoo £16 一個人，不用考慮，沒半點猶豫~
其實，喺未去之前，點睇，都係 Royal Yacht Britannia 比 Edinburgh Zoo's Christmas Nights 更值得令人花費~
或者，我潛意識諗緊嘅係，下午四時入黑後其實已經冇乜地方去，Edinburgh Zoo's Christmas Nights 正好可以填補呢段時間吧~
遊覽過後，有點失望~
俗語有話，冇期望就冇失望，但其實我覺得冇期望都可以失望，遊覽完動物園就係呢種感覺~
失望以外，仲有嘅係痛心，因為就咁就冇咗 £32......
其實 Edinburgh Zoo's Christmas Nights，係適合一家大細去行吓開心吓，小朋友開心，大人就開心，根本個活動就唔適合我哋嘅......
下一站 McDonald's(Dinner)
出去玩，除非預算好緊，否則晚餐我唔會安排呢種隨時都食到嘅快餐店~
而我做功課時亦確實安排好去一間餐廳食晚餐，只係，我哋對於英式食品實在太冇期望，倒不如食一啲符合預期，基乎唔會失望嘅食肆~
屎塔提出不如食 McDonald's 啦，我二話不說，可以舉嘅舉都起贊成，即刻上 google maps 搵吓附近有冇 McDonald's~
正，就喺歸家途中有一間，而且仲好近動物園，gogogo~
食完嘢就揸車返屋企，兩小時三十分車程，有兩小時十五分都落緊大雨，係返到屋企附近先細返啲~
今日雖然冇一刻唔係落雨，但整體好過噚日，因為今日喺室內嘅機會比較多，有時仲喺車入面~
兩日一夜嘅 Edinburgh Christmas trip，就此完結~
沒有留言:
發佈留言