我哋對喺英國出外食早餐冇乜興趣，所以今日早餐就食自己帶嚟嘅雜糧，亦都有食旅館提供嘅牛奶同脆脆做早餐~
人食完早餐，就到部車~
其實我仲有半缸油，不過 Skye 入面油站唔多，最好到半缸就去入油打滿佢~
今日天氣出奇地好，不過英國嘛，天氣多變，尤其北部，好天氣維持到幾耐，真係天知道~
油站對出~
開車向 Skye 島進發~
沿途風景真係令我諗起冰島~
經過見到有個地方，好似有啲嘢睇，因為見到都有啲人停埋一邊影緊相，我哋就跟住停埋一邊~
呢度風景真係唔錯，仲有個大瀑布，我事前竟然唔知？
(後記：原來我事前係知，之後一日嘅遊記再記綠~)
繼續前進，沿途隨影~
嚟到 Skye 島最主要小鎮 - Portree
好多人嚟 Portree，除咗作為主要住宿地點，作散射式旅遊，亦都係為咗呢個景~
說實在，還好吧，純到此一遊~
對我嚟講，都係嗰啲，唔去唔舒服，去咗又有啲伏咁啦~
繼續前進，去到一個叫 Scorrybreac Trail 嘅步行徑~
行晒的話，要幾個鐘，一來我哋冇咁多時間；二來，其實又唔係真係咁吸引，我係諗住行到前面有個大轉角就算~
行吓行吓，見到有個 viewpoint~
喺 viewpoint 睇完景，其實都冇乜大興趣行落去~
唔係話風景唔好，但如果風景冇乜大分別的話，就冇乜衝勁行落去囉~
所以喺度睇完景就離開了~
繼續前進，沿途風景~
Loch Fada~
Bride's Veil Falls~
Old Man of Storr~
呢個景點，如果我話所有第一次嚟 Skye 島嘅人都會嚟嘅，可能未必會錯~
只係爭在喺山腳望吓就算，定行到上山頂~
難得今日好天氣，希望可以支持到行到上所謂嘅山頂~
沿途屎塔表現有啲勉強，我本來估佢有機會中途放棄，最後，佢意志戰勝體力，終於行到去山頂~
呢度啲怪石，究竟係點樣形成嘅呢？如果有縮時攝影睇吓就好~
喺山頂逗留咗一段時間，就開始落山~
繼續前進，行行吓又見到有個地方，有好幾部車停埋一邊，又跟住停埋一份，睇吓有咩睇~
呢度勁多羊屎，基本上除非每一步都花幾秒望楚先行，否則我十分確信每個嚟到嘅人都有踩屎......
差唔多時候要食午餐~
我有記低呢頭有架快餐車，不過跟住地圖都搵唔到，放棄~
屎塔有準備到糧食，所以我哋就去到下一個地點，自製午餐~
午餐係麵包夾沙甸魚~
食完嘢就落車行~
而家呢度係 Lealt Fall，不過我哋停車位置距離個瀑布有啲遠，同埋個瀑布係唔可以從面睇，唔想花時間行過去，就冇去度~
反而泊車地點附近好似有啲嘢睇，就沿住步道行吓~
途經見到快餐車個牌~
之後仲見到快餐車(原來唔係車)真身......不過冧咗......
附近風景~
行到見到觀景台，仲見到三隻羊~
行返轉頭時，離好遠 zoom 埋去 Lealt Fall~
繼續前進，中途遇有兩位女士截順風車~
呢個世界，幾估唔到嘅嘢，都有機會發生，為安全起見，我拒絕停車~
話時話，嚟 Skye 島玩，唔揸車冇包車，真係諗住全程搭順風車？兩位女士？會唔會冒險咗啲？
Kilt Rock & Mealt Falls Viewpoint~
呢張相，令我諗起睇展覽睇過類似嘅相，嗰張相係黑白嘅，我又試吓轉做黑白，感覺又幾唔錯~
離開停車場時，又遇返佢兩個......
An Corran Beach~
嚟呢個沙灘，係因為呢度有恐龍腳印，不過嚟到先知，原來要喺合適條件嘅情況下先會顯露，而行落沙灘條路充滿大石，亦唔知去邊度搵，所以都係放棄~
繼續前進，遇上一隻攔路羊~
The Quiraing
行上山頂要約一小時，不過我本身冇諗住行，風景冇話特別好，同埋今日都行夠，而家又就嚟天黑，都係諗住去到停車場，喺附近行吓而已~
仲有兩個地方想去，不過天色開始轉暗，去多個都唔知得唔得，過咗去先算，反正同去旅館同一方向~
沿途隨影~
到咗目的地，天色都仲未係好暗，照去埋先~
Falls of Rha~
今日想去嘅地方，仲有一個，不過冇時間了，聽朝先補返，而家去旅館先~
今晚住嘅呢種旅館，以前係未住過，正式麻雀雖少，五臟俱全~
咁細嘅空間，可以間到兩房，一張雙人床，兩張單人床，真係空間利用大師，用得好盡吓~
不過個沖涼房實在太細，如果可以分少少個廳嘅空間去個沖涼房度就更好~
不過話時話，如果四個人住，都真係幾擠迫~
休息夠就去食晚飯~
呢頭得一間餐廳，真係不二之選~
Bakur Bar & Restaurant
Hot Chocolate & Gingle ale
Bakur Beer Battered Haddock & Chips served with Petits Pois Peas
Bakur Home made Steak Pie served with Petits Pois Peas & Potatoes
所有嘢都熱辣辣，個薯條仲係即炸嘅~
味道方面冇話特別好，冇投訴咁啦~
係張檯唔知點解黐𣲷𣲷，杯朱古力要用力先可以拎起，但太用力又會倒瀉，係咪一個遊戲嚟？
沒有留言:
發佈留言