今日冇行程，食完早餐就去機場還車搭飛機走人~
早餐 book 咗 07:30，不過落到去仲整緊，但都唔係等咗好耐~
姐姐記得我飲熱朱古力，屎塔叫 Cappuccino 忘了走甜，上檯時走咗甜，又係姐姐嘅功勞~
還車過程順利，不過由於對方要帶新人做嘢，所以驗屍咁驗~
我就唔怕嘅，一來我冇碰撞過，二來全保~
今次租車公司係 Enterprise，係我第一次喺呢間連鎖租車公司租車，服務相當唔錯~
離開後先醒起忘了問 €200 deposit 點退同幾時退......
不過每次租完車都係一至兩星期內退，咁我等吓先再睇吓點~
(後記：幾日後就退咗，非常好~)
今次入境英國，只係問我哋係咪仲喺英國住就放行~
由於我哋喺 Edinburgh 入境英國，所以要搭長途巴士返屋企~
等巴士等到夠鐘都仲未見車，通常呢啲點到點巴士都係車等人~
之後有部巴士慢駛過嚟，話等咗我哋 20 分鐘~
阿車長，你架車啱啱到喎，我哋就真係等咗唔止 20 分鐘喇~
我同佢講我哋好早就到咗，佢話車站喺 H 站，我話車飛寫 E 站，佢話改咗~
咁......我哋X知呀~~~
旅程後記：
冇乜特別嘢想記，對馬爾他嘅印象，係冇位泊車~
其實車位真係一街都係，只係實在太多車，要搵個空位好講運氣~
出發前有人勸過其他人唔好揸車，話搵車位分分鐘要花半日時間~
但又有人話唔難搵位~
其實我估都係睇你幾時去~
馬爾他明顯係夏天渡假嘅熱門地方，我哋五月頭去都咁難搵位，七月八月真係不敢想像~
沒有留言:
發佈留言