有一日，屎塔突然話想去日本，就係咁促成今次日本之行~
去日本邊度好呢？我雖然唔係去過好多次日本，但好似冇乜邊度真係想去咁，咁當然，係想去日本嘅，只係唔知去日本邊度啫~諗諗吓，相當懷念十幾年前同屎塔去過嘅京阪神，所以今次決定重遊舊地，以京阪神方向為主~
不過，最棘手個位係，屎塔會約佢個朋友喺日本見面，暫定大阪，咁喺計劃行程時就會有好大限制~
喺計劃嘅途中，突然醒覺，當年去京阪神，撞啱紅葉見頃，但今次係二月去，可謂全年最冇嘢睇嘅季節~
我一股腦咁以京阪神為目標，竟然忘記咗季節性嘅風景~
不過正如我一直以嚟嘅感覺，係日本就好，去邊度唔係好重要，所以，照計劃進行，京阪神為軸心~
其實應該唔會去神戶，只係貪順口成日講京阪神~
最初嘅計劃係，佢見朋友前，京阪及滋賀，因為當年都有去過滋賀~
見朋友後就去三重県玩幾日，我哋未去過嘅~
大綱計劃好，屎塔個妹 Daisy 知道我哋去日本，話考慮一齊去(同埋媽咪，即五人行)，話要同老公商量吓先~
如果佢一齊去，我就會改頭段和歌山+三重県，我哋去過和歌山，佢哋和歌山同三重県都未去過~
因為如果佢哋去，我就會傾向去啲揸車比較方便嘅地方，反正佢哋未去過上述兩個地方，應該都啱佢哋去~
之後，唔同人有唔同嘅決定~
Daisy 決定唔跟我哋一齊去~
屎塔個朋友指定要去兩個地方，都喺京都~
屎塔自己有個地方想去，但佢知道好唔就腳，所以交俾我決定~
Daisy 決定唔跟我哋一齊去~
即係唔會去和歌山~
屎塔個朋友指定要去兩個地方，都喺京都~
我哋會去京阪同滋賀，佢朋友玩完會喺関西機場走，咁就要掉吓行程，等佢哋約喺京都見~
屎塔自己有個地方想去，但佢知道好唔就腳，所以交俾我決定~
講咩交俾我決定啫，潛台詞就係「唔理你，你同我安排，我一定要去！」
呢個地方喺神戶附近嘅淡路島，距大阪個幾鐘車程，但的確，我哋成個行程唔會去嗰邊方向......
但係個幾鐘車程其實對我嚟講又相當可以，反正去邊都冇所謂，就梗係去啲想去嘅地方~
我最冇預太多時間喺京都，因為非花季同去過京都，所以都冇太在意京都，有日屎塔話京都有個新博物館，係任天堂博物館，一聽就知係要去嘅地方啦~
不過呢個博物館都唔係話想去就可以去，要提早登記揀三個時間，揀好要等大約一個月，到時抽簽決定中邊個時間又或者完全抽唔中冇得去......
最後抽中個唔太理想嘅時間，不過有得入就得啦，其他嘢可以就到~
滋賀嗰邊冇咩太多地方想去，又要就屎塔同朋友喺京都見面，所以我哋喺京都嘅時間都多咗~
冇咩地方想去，決定重遊金閣寺同清水寺~
另外，近排睇到有關勝尾寺嘅新聞，係有關台灣嘅擺設被人破壞，我先知有呢個地方~
勝尾寺唔喺大阪，但由大阪去都唔算好遠，本來我安排咗屎塔同佢朋友去，但佢哋改咗京都見，就唔會有時間去，咁我就安排我同屎塔去~
另外我睇人片，見到有個關西單車體育中心，好似幾有趣，不過又好似幾體力活動，就問吓屎塔有冇興趣~
我預咗佢冇興趣，因為體力活動嘛，點知佢話正喎，又加佢入行程~
仲記得之前喺東京玩過嘅 Street Kart，我知道大阪都有得玩，所以就按排埋今次去玩~
我同屎塔嘅行程計劃好，屎塔同朋友嘅行程都計劃好，咁我自己獨遊嗰幾日呢？
獨遊嗰幾日，我會喺大阪，但其實真係冇咩好做，最後都算幾夾硬咁搵咗啲地方去~
其中有一個地方我就真係幾鍾意，係睇夜景嘅，唯獨呢個有啲期待~
今次計劃行程，發覺真係好想去嘅地方係好少，都唔緊要，最緊要係日本，去邊都一樣開心~
預先計劃嘅行程如下：
Day 01：【泉佐野】トヨタレンタカー関西空港店(租車) → スタンド.Y(午餐) → 【京都】AEON 久御山店 → もりもり寿司 イオンモール久御山店(晚餐)《住宿：ホテルルートイン京都久御山》
Day 02：【京都】平等院 → 任天堂博物館(連午餐) → 辻利兵衛本店(下午茶) → 名代とんかつ かつくら 四条東洞院店(晚餐)《住宿：東橫INN京都二條城南》
Day 03：【京都】鞍馬寺 → 貴船神社 → 貴船 喜らく(午餐) → 貓貓寺 → 貓族歷史博物館 → 【滋賀】デジタルスタードーム ほたる → カメチク 近江八幡店(晚餐)《住宿：コンフォートホテル彦根》
Day 04：【滋賀】彦根城+玄宮園 → 比内地鶏ほっこりや夢京橋店(午餐) → 八幡山展望館 → La Collina → 嬉酔 くわ乃(晚餐)《住宿：ホテルルートイン草津栗東-栗東インター国道1号-》
Day 05：【滋賀】琵琶湖觀景台 → 白鬚神社 → ファミリー れすとらん ひろせ 寿し正(午餐) → 綠水亭(晚餐)《住宿：雄琴溫泉 琵琶湖綠水亭》
Day 06：【京都】金閣寺 → 京 蕎麥處 花卷屋(午餐) → 清水寺 → 炭櫓 京都店(晚餐)《住宿：REF Kyoto Hachijoguchi by Vessel hotels》
Day 07：【京都】teamLab Biovortex Kyoto → (之後就分開玩)
Day 07(我)：【大阪】トヨタレンタカーなんばターミナル店(還車) → 焼肉 㐂舌 法善寺(午餐) → MooKEN/Melt Chocolate/グルニエ(Grenier)/HARBS 大丸梅田店 → トミカショップ 大阪店 → 大阪堂島浜タワー → 淀屋橋スカイテラス → ゑび真 EBI SIN(晚餐)《住宿：アパホテル＆リゾート〈大阪なんば駅前タワー〉》
Day 07(屎塔)：【京都】JR 京都站(接朋友) → 金沢まいもん寿司 京都駅ポルタ店(午餐) → ちいかわもぐもぐ本舗 伏見店 → 稲彦珈琲(軟雪糕) → 伏見稻荷大社 → 瓢斗 (ひょうと) 京都駅前本店(晚餐)《住宿：Ala Hotel Kyōto》
Day 08(我)：【大阪】Cafe&Bar BACCANO(早餐) → Miracle World Osaka → 高橋食品(豆漿) → 一味禪(午餐) → スーパーキッズランド本店 → HARBS 難波Parks店(蛋糕) → 道頓堀(閒逛) → 北極星 心齋橋本店(晚餐)《住宿：アパホテル＆リゾート〈大阪なんば駅前タワー〉》
Day 08(屎塔)：【京都】鴨川(閒逛) → Spice Gate(午餐) → 下鴨神社 → 岡崎神社 → 肉の隠れ家(晚餐)《住宿：Ala Hotel Kyōto》
Day 09(我)：【大阪】木津市場(早餐) → 大阪市天王寺動物園 → 大阪市立美術館 → 無限ラーメン 新今宮駅前店(午餐) → (之後就同屎塔匯合)
Day 09(屎塔)：【京都】搭 JR 去大阪 → 【大阪】かに・ふぐ専門 蟹吉 なんば道頓堀(午餐) → 南海電鉄難波站(送朋友上車) → (之後就同我匯合)
Day 09：道頓堀大観覧車 → 固力果人(隱藏打卡位) → Street Kart Osaka → 通天閣 → モリタ雲丹五郎 大阪本店(晚餐)《住宿：アパホテル＆リゾート〈大阪なんば駅前タワー〉》
Day 10：【大阪】トヨタレンタカーなんばターミナル店(租車) → 【淡路島】Hello Kitty Apple House → Buns & Patty(午餐) → Hello Kitty Smile → 岬のブランコ → 幸せのパンケーキ 本店(Pancake) → 大観覧車 淡路 SA → 鮓 大磯(晚餐)《住宿：寿庵》
Day 11：【淡路島】ごはん処 縁(早餐) → 【箕面】勝尾寺 → 鱻〜ぎょぎょぎょ〜/Felice(午餐) → 【大阪】海遊館 → 【高石】せかんど はうす(晚餐)《住宿：ホテルルートイン高石羽衣駅前》
Day 12：【河内長野】関西サイクルスポーツセンター → 【泉佐野】活魚寿司 鶴原店(午餐) → トヨタレンタカーりんくうタウン駅前店(還車) → 臨空城 Outlets → 天ぷらの彩め(晚餐)《住宿：オディシススイーツ大阪エアポートホテル》
Day13：搭鐵路去関西空港
出發！
沒有留言:
發佈留言