《瞬間看地球》Stranger's Blog: 2022.05.06 捷克 (Prague) (第七天)

今日行程：
【Prague】Viewpoint → Pražský Hrad (Prague Castle) → Starý Královský Palác(Old Royal Palace) → Bazilika Sv. Jiří(St. George's Basilica) → Zlatá Ulička(Golden Lane) → Velká Jižní Věž Katedrály Sv. Víta(Great South Tower of St. Vitus Cathedral) → Katedrála Sv. Víta(St. Vitus Cathedral) → Na Opyši Viewpoint → Staré Zámecké Schody(Old Castle Stairs) → Ferdinanda - Malá Strana(Lunch) → Galerie Roberta Guttmanna(Robert Guttmann Gallery) → Klausová Synagoga(Klausen Synagogue) → Obřadní Síň(Ceremonial Hall) → Pinkasova Synagoga(Pinkas Synagogue) → Starý Židovský Hřbitov(Old Jewish Cemetery) → Maiselova Synagoga(Maisel Synagogue) → Pylones - Rijna(生活創意家品店) → Hamleys - City Centre(大型玩具店) → Lokál U Bílé Kuželky(Dinner) → Residence Thunovska(Accommodation)

今朝食咗噚日買嚟做今日午餐嘅嘢，今日午餐......晏啲先再算~

今日第一站 Pražský Hrad (Prague Castle)
布拉格城堡是世界上最大的古堡，占地七萬平方米，波希米亞國王、神聖羅馬帝國皇帝，以及捷克斯洛伐克和捷克共和國總統都在此辦公。

旅館對開就係 Zámecké Schody(Castle Stairs)，我哋就經呢條樓梯上去城堡~

上面有間 Starbucks，據說入面係城堡呢帶嘅最佳觀景點~
不過我哋冇打算為咗個觀景點而入去，就喺附近睇吓，其實都唔錯~

進入城堡要做安檢的，所以入咗去就盡量行晒先離開~

而家未夠九點，就周圍行吓先~

行到嚟 Katedrála Sv. Víta(St. Vitus Cathedral)，壯觀！
未買飛未入得~

見到售票處開始有人排隊，就行埋去排埋一份~

夠鐘開賣，通過入口之後，有人轉左，有人轉右，咁就是旦跟一邊，轉左~
個男嘅售票員唔知做咩，十萬個唔願意咁款......
到我哋喇，見佢老大不願意，就問吓佢係咪應該去右邊先啱，佢答：Since you are here……
噢，即係我哋跟錯邊~
咁你話俾人知右邊先啱咪得囉，態度唔駛咁差又俾說話我哋聽嘅~

我哋買嗰種飛叫 Prague Castle - Circuit，另外仲有上大教堂南塔嘅門票，基本上而家得呢兩款票賣~
而如果要喺室內影相，係要另外買一種叫 Photographing of Interiors without flash or a tripod 嘅飛~
(後記：而家仲有 The Story of Prague Castle，係獨立嘅展館獨立售票，我出發前做功課嗰時都仲未有，到現場嘅時候就有了，不過我哋冇入~)
2020 年嘅時候，係有三種 circuit 嘅飛賣，包唔同項目嘅~

而家嘅 Prague Castle - Circuit 包含以下地方：
Katedrála Sv. Víta(St. Vitus Cathedral)，大教堂
Starý Královský Palác(Old Royal Palace)，舊皇宮
Bazilika Sv. Jiří(St. George's Basilica)，聖殿
Zlatá Ulička(Golden Lane)，黃金巷

最近售票處係大教堂，本來都想入去先，不過見到成班小朋友衝咗入去，都係避之則吉，去第二個先~

而家去 Starý Královský Palác(Old Royal Palace)，舊皇宮先~

參觀完舊皇宮出嚟就去到大教堂嘅後面~

對面就係 Bazilika Sv. Jiří(St. George's Basilica)，聖殿~

再行落去就到 Zlatá Ulička(Golden Lane)，黃金巷~
黃金巷位於布拉格城堡內，是一條受到保護的中世紀風格小巷。其街名來源於 16 世紀的鍊金術師，傳說他們想在這裡煉製黃金。著名的捷克猶太作家卡夫卡曾在這條街的第 22 號公寓租住了兩年，因為這裡有一個安靜的寫作環境。

入口正面就係呢個位，就上去行吓先~

上面係打通晒，而且唔止一層，有好多展品~

黃金巷有好多間屋，細細間咁，有啲用作展示當時環境，有啲係商店~

呢間就係捷克猶太作家卡夫卡住過嘅第 22 號公寓，而家入面係商店~

離開黃金巷就出到個平台~

另一邊係 Věží Daliborkou(Daliborka Tower)~

而家返轉頭去 Velká Jižní Věž Katedrály Sv. Víta(Great South Tower of St. Vitus Cathedral)，南塔~

要行 287 級樓梯~

風景唔錯~

跟住就到 Katedrála Sv. Víta(St. Vitus Cathedral)，大教堂~
行到去入口時，見到兩大班小朋友排住隊入大教堂，今朝諗住避開啲小朋友，而家還返幾倍俾我哋~ XDDD

大教堂入面有度閘，有飛先可以通過度閘，但其實閘外空間唔少，基本上，唔買飛走入去參觀，都真係勉強滿足到參觀教堂嘅慾望~
我覺得閘外嘅人仲多過閘內，不過如果唔買飛，之前嗰三個地方就冇得參觀了~

St. Vitus Cathedral 是天主教布拉格總教區的主教座堂，也是捷克最大、最重要的一座教堂。第一座座落於今日 St. Vitus Cathedral 位置的教堂是一座早期羅馬式圓形建築，建於 925 年，在 1060 年擴建為羅曼式教堂，1344 年查理四世下令在原教堂的基礎上建造一座哥德式教堂，於 20 世紀初才修建完畢。

喺我嘅行程入面，仲有城堡花園同埋城堡廣場上幾座宮殿可以參觀吓外觀，不過屎塔對花園冇乜興趣，同埋今日喺城堡都真係行到夠晒皮，行咗差唔多五個鐘，可以話係身心俱疲，真係想逃離城堡~
我哋冇興趣嘅，唔止花園，仲有閱兵儀式~
喺布拉格城堡，由朝早至夜晚嘅整點都有換崗儀式，尤以中午 12 時最為隆重~
不過我哋都冇乜興趣，就冇就時間去睇~

而家去埋 Na Opyši Viewpoint 就離開城堡~

布拉格城堡隨影~

下一站 Ferdinanda - Malá Strana(Lunch)

今日午餐本來係食自製食物，不過用咗嚟做今朝早餐~
所以而家就要諗吓去邊度食嘢~
諗住去返噚晚食唔到嗰間，不過我哋而家行緊嗰條樓梯，中途冇路走，落到底的話，再行去嗰間餐廳就有啲遠，放棄~

行到落底，再睇吓地圖，咦，又唔係好遠咋喎，唔諗喇，就行過去~

沿途隨影~

Ferdinanda - Malá Strana，食用地方係地窖嚟~

Original beerhouse flavoured soda & Hot chocolate

Grilled sirloin with pepper sauce
牛扒肉質幾好，全熟都唔韌~
不過芥辣味太重，件扒係咩味都唔係好食得到~

Hot chicken meat on needle
雞串唔乾，個汁幾好味~

下一站 Galerie Roberta Guttmanna(Robert Guttmann Gallery)

幾日前去西班牙會堂，買咗張套票，有效期為七日，今日係第六日，但聽日星期六，套票上包含嘅地方都休息，即係今日係最後一日~
幾日前先知佢改咗收五點，所以今日應該去唔晒，順其自然吧~

行經捷克名物店舖，兩顆好奇心終於都忍唔住，要試食喇！

我哋叫咗個最基本嘅嚟試，甜係甜嘅，但又冇想像咁甜，入到口，都 OK 好食，難怪咁受歡迎~

沿途隨影~

Gallery 好細，一眼睇晒，啲作品就......唔識欣賞~

下一站 Klausová Synagoga(Klausen Synagogue)

經過 Židovská Radnice(Jewish Town Hall)~

同埋 Staronová Synagoga(Old New Synagogue)~

Klausová Synagoga(Klausen Synagogue)
個會堂比想像中好睇，呢張套票，花得值~

呢個標示真係夠晒清楚，我見好多地方，表示容許影相只係唔可用閃光燈，會只係用下圖右上角張相，咁樣好易令人(還是只有我？)誤會唔可以影相~

下一站 Obřadní Síň(Ceremonial Hall)

下一站 Pinkasova Synagoga(Pinkas Synagogue)

本來我係諗住去 Starý Židovský Hřbitov(Old Jewish Cemetery) 先嘅，睇完 Ceremonial Hall 出嚟，見到現場有標示參觀次序~
要入 Old Jewish Cemetery，係要經過 Pinkas Synagogue 入去嘅~
點解唔喺網頁講埋呢？咁咪可以參觀前掌握到大概囉~
如果我睇唔到呢個標示，真係唔會知喺邊度入 Old Jewish Cemetery~

進入 Pinkas Synagogue，售票員要求我戴呢種帽先可以入去~

只係我咋，屎塔唔駛，場入面多數男士都冇戴，唔知係佢哋唔需要定係點嘞~

Pinkas Synagogue 興建於15世紀後期，在 1954 年，猶太會堂被改為在第二次世界大戰中捷克斯洛伐剋死亡的猶太公民紀念館。房間的牆上，書寫了近78,000人的名字，按字母順序列出了家庭和地方。

下一站 Starý Židovský Hřbitov(Old Jewish Cemetery)

下一站 Maiselova Synagoga(Maisel Synagogue)

套票上就只剩下呢間未去，我相信行到去可能都唔俾入了~
我哋到達時間為 16:50(閂 17:00)，結果係唔俾入嘅~

本來我預猶太區行到 18:00，而家早咗一個鐘，去邊好呢？
本來想去 boat trip，時間上係最適合不過，完咗可以去食飯~
不過今日天色唔好，唔係咁適合~
諗到喇，有兩間舖頭後日會去行吓，咁而家去咗先，後日可能可以騰啲時間出嚟去 boat trip~

下一站 Pylones - Rijna(生活創意家品店)

途經舊城廣場，有馬拉松比賽？