今日行程：
【Praha】Strahovský Klášter(Strahov Monastery) → Strahovská Obrazárna(Strahov Gallery) → Strahovská Knihovna(Strahov Library) → Muzeum Miniatur(Museum of miniatures) → Atelier Petřín(Lunch) → Petřínská Rozhledna(Petřín Lookout Tower) → Kaple Kalvárie(The Calvary Chapel) → Katedrální Chrám Sv. Vavřince(Cathedral of St. Laurels) → Růžový Sad Petřín(Petřín Rose Orchard) → Pomník Obětem Komunismu(Memorial to the Victims of Communism) → Tančící Dům(Dancing House) → Church of St Ludmila(Kostela sv. Ludmily) → Vyšehrad(Vysehrad) → Rotunda Sv. Martina(Rotunda of St. Martin) → Bazilika Sv. Petra a Pavla(Basilica of St. Peter and Paul) → Vyšehradský Hřbitov(Vyšehrad Cemetery) → Pork's(Dinner) → Residence Thunovska(Accommodation)
今朝起身，最緊要睇吓有冇熱水，一如所料，冇~
又搵阿負責人搞吓~
阿負責人話佢會搵人嚟睇吓~
我哋問佢今晚有冇地方可以俾我哋沖涼，如果有其實都冇問題~
佢話啲房已經 book 滿晒~
咁冇計啦，仲有一晚，都費事轉旅館，頂埋佢啦~
今日第一站 Strahovský Klášter(Strahov Monastery) + Strahovská Obrazárna(Strahov Gallery)
沿途隨影~
Strahov Monastery
Strahov Gallery 展品唔多，亦唔算好好睇~
畫展內禁止攝影~
下一站 Strahovská Knihovna(Strahov Library)
有最美圖書館嘅稱號~
參觀呢個圖書館，如果要影相，要額外加錢的~
見到圖書館入面有人，就問吓工作人員，係咪可以入去參觀，對方話要預約先可以，噢，咁冇啦~
離開圖書館，見到有間教堂，又走入去睇吓~
原來呢間就係 Nanebevzetí Panny Marie Na Strahově(Church of the Assumption of the Virgin Mary On Strahov)~
之前睇就話佢係唔開放嘅，而事實都真係唔開放，但可以喺閘外參觀~
修道院附近隨影~
下一站 Muzeum Miniatur(Museum of miniatures)
呢個真係堅，啲作品細到肉眼都睇唔到，要用放大鏡先睇到，竟然有人可以喺上面做創作！
以下係其中一部份作品~
2mm length bicycle situated on a sewing needle
Flea with golden horseshoes, scissors, key and lock
Cars on a leg of mosquito
Camel caravan in the needle eye
Train on a hair
Zoo
Leonardo da Vinci "Madonna Lita"
幅畫仲細過 Kč1 銀仔~
原作~
展館細細間，不過作品非常精彩！
下一站 Atelier Petřín(Lunch)
沿途隨影~
好多人排隊上塔，我哋食完飯都會上，陣間唔知要排幾耐......
Atelier Petřín
餐廳就喺觀景塔隔籬~
為我哋落單嘅係一位年輕女士，屎塔叫 ice tea，之後，到我叫 hot chocolate，呢個女仔笑咗一吓，之後忍住~
佢行返去水吧度落單，佢笑住咁落單，唔係微笑，唔係開心笑，係覺得好笑嗰種笑~
之後水吧兩個男仔就一齊笑住望向我~
有意無意咁俾人笑我叫熱朱古力，其實都唔係第一次，但要數呢次最明顯~
我平時好少飲水以外嘅飲品，喺香港出街食，我基本上都唔會叫嘢飲，係喺歐洲地方，叫杯嘢飲係基本禮貌我先至會叫~
我唔飲含酒精飲品，唔飲得含咖啡因嘅飲品，唔鍾意凍飲，其實我選擇真係唔多~
除咗冇乜選擇，我本身都鍾意飲熱朱古力，其實係咪有人覺得飲熱朱古力係小朋友專利？
首先，成年男人飲熱朱古力，我一啲都唔覺得好笑，我覺得每個人都有自己喜好，冇咩話好唔笑~
其次，做服務員，可以公然取笑客人？
不過我即時就冇出聲，否則陣間唔知俾啲咩我哋食~
同埋佢實唔認咖啦，到時尷尬嗰個反而係我~
餐廳只有半滿，但等咗超過半個鐘先有嘢食~
期間講起大 J 笑日本人嘅玩車文化，其實可唔可以尊重吓人？
學吓尊重其他人嘅個人喜好，尊重吓一個成年男人鍾意飲熱朱古力可以嗎？
Hot Chocolate & Ice Tea
Duck leg roast, potato dumplings, sautéed onions with bacon
心情差，食咩都唔會覺得好食，同埋實在太油膩~
Pulled beef burger, spicy tomatoes, fresh spinach
心情差，食咩都唔會覺得好食，同埋唔係漢堡扒做餡，原來食落都幾唔方便，因為唔可以一啖咬開佢~
埋單時，又係嗰個女仔行埋嚟，我心裡面諗緊好唔好當面質問佢~
佢一路行埋嚟，我一路掙扎緊~
不過都係嗰句，如果佢一句話冇，其實我已經冇咩好講~
再者，我要俾信用卡埋單，費事佢玩嘢~
呢刻，我真係唔想俾貼士，不過我做唔出，就俾少啲~
後記：旅程完結後數天，我透過某渠道將此事公開，兩日後，有位自稱店主嘅人聯絡我，他說他很重視此事，想我俾多啲資料佢~
喺我俾更多資料佢之前，我表達咗我嘅意願，我唔希望喺呢件事上面有任何人會被解僱，但最終如何決定，當然係佢話事~
幾日後，佢話我知佢就此事開咗一次大會，佢只係話佢確實搵到一啲唔合適嘅情況~
佢處理方法係，當日有返工嘅僱員(我諗應該只係前線服務員？)都要扣減人工，扣減咗嘅人工會捐作慈善用途~
我真心希望當事人可以學懂尊重，希望佢哋真係知道咁樣取笑他人係唔應該~
下一站 Petřínská Rozhledna(Petřín Lookout Tower)
1889 年，捷克旅遊俱樂部的成員訪問了巴黎世界博覽會，受到艾菲爾鐵塔的啟發。在 1891 年 3 月，開始建造這座鐵塔，僅僅 4 個月後完工。雖然它比艾菲爾鐵塔矮，但是因為地處佩特任山山頂，所以實際上其頂部比艾菲爾鐵塔的海拔高。
飯前大排長龍，而家又冇喎，係直情冇人龍，唔駛排隊，正~
上鐵塔，樓梯係唯一選項，中途間中會有櫈，俾有需要嘅人士暫休~
呢度就係我哋頭先食嘢嘅地方~
鐵塔分兩個高度嘅平台，平台有分室內及室外，成個概念同巴黎鐵塔相似~
喺低層嘅室內，好多人排緊隊，唔通排隊出去外面？
睇真啲，原來係排隊上上層~
咁我哋就睇咗低層先~
低層風景還好~
之後就排隊上高層~
條龍已經繞住個塔一個圈，龍尾剛好到龍頭~
高層風景比低層好得多，冇咁多樹遮住~
之後落地庫，嗰度有個展覽，不過就冇咩睇~
下一站 Katedrální Chrám Sv. Vavřince(Cathedral of St. Laurels) + Kaple Kalvárie(The Calvary Chapel)
喺教堂附近，見到有長櫈，就坐低休息吓~
教堂對面係 Zrcadlové Bludiště Petřín(Mirror Maze)，入面有鏡子迷宮~
出發前問屎塔有冇興趣，佢話有嘅，不過唔知係咪見到條長龍，而家佢話冇興趣，仲好，唔駛曬住排隊~
Katedrální Chrám Sv. Vavřince(Cathedral of St. Laurels)
教堂入面進行婚禮中，為免打擾，即時離開~
Kaple Kalvárie(The Calvary Chapel)
下一站 Růžový Sad Petřín(Petřín Rose Orchard)
附近有個玫瑰園，不過唔知啱唔啱時候，就過去睇吓~
玫瑰園，沒有玫瑰，只有薰衣草~
下一站 Pomník Obětem Komunismu(Memorial to the Victims of Communism)
紀念共產制度時期（1948–1989 年）受難者的一組雕塑。這座紀念雕像揭幕於共產制度垮台後 12 年的 2002 年 5 月 22 日。這座紀念碑展示7個沿階梯下行的銅像。這些雕像顯得越來越衰敗，失去了四肢，軀幹也裂開，這象徵政治犯受共產制度迫害。
離開山頂前，整杯雪糕先~
我哋埋去嗰時，呢位賣雪糕哥哥整理緊啲銀紙，喺佢再整雪糕之前先用酒精搓手液清潔雙手，呢個舉動令我印象深刻~
其實掂過銀紙，只係用酒精搓手液清潔雙手係唔足夠，但以現場環境嚟講，不能有太嚴格嘅要求吧~
由山頂落去，可以搭纜車~
如果買 24hrs 或 72hrs 交通票，係會包埋搭纜車的~
以我今日餘下嘅行程，加埋聽朝(車飛係 24 小時計算)，再加埋呢程纜車，抵到爛~
所以我哋就買咗兩張 24hrs 車飛~
覽車頭段都有啲景睇吓，中至尾段則完全沒入樹叢中~
地面纜車站，人龍一時間都睇唔到龍尾~
Memorial to the Victims of Communism
之後就喺呢個咁正嘅環境下休息咗一陣~
喺休息時，睇睇時間，咦，可以調吓景點，令個行程更順路~
本身之後有個地方係要限時限刻去，所以就算唔順路都要去咗先~
而家覺得時間可以，就以順路為先~
下一站 Tančící Dům(Dancing House)
一座非常獨特嘅時尚建築~
2020 年計劃行程時，屎塔已經指定話要去~
兩年了，我記得咖~
沿途隨影~
跳舞大樓~
下一站 Kostela sv. Ludmily(Church of St Ludmila)
引用返之前所講：
喺布拉格，有兩間好靚嘅教堂我幾想去嘅，呢間係其中一間~
當然，喺布拉格，靚嘅教堂又點止兩間，但呢兩間嘅靚，我印象中好似冇乜喺其他地方見到~
呢間就係以上所講嘅第二間~
做功課時，實在搵唔到可信嘅開放時間資料，網上資料甚少，我甚至 send 埋 email 去問，不過收唔到回覆~
Google maps 話開 07:00~19:00，另外搵到兩個網話只在彌撒前後半小時開放，係咁多~
咁就唯有信個比較短時間嘅穩陣~
上官網查到，今日嘅彌撒時間為 16:30，假設真係彌撒前後半小時開放，即係 16:00~16:30 開放~
而我唔會知道彌撒幾點完，所以就無法知道彌撒後嘅開放時間~
所以，我只能找緊 16:00~16:30 呢段時間~
我本身係想 16:00 前到嘅，咁就可以証實到係咪真係只在彌撒前半小時開放~
不過之前攝咗個跳舞大樓，而家到達時間為 16:01......
嚟到教堂，咩都唔理，即刻走去睇吓係咪開咗先~
堅係開咗，但係咪 16:00 先開就唔知喇~
喺參觀途中，燈亮了~
教堂外觀~
下一站 Vyšehrad(Vysehrad)
高堡是一座位於捷克的城堡，建立於 10 世紀。城堡裡面有 Basilica of Sts. Peter and Paul 及高堡公墓，長眠著許多捷克歷史上的知名人物。
沿途風景~
穿過呢個 Táborská Brána(The Tabor Gate)，就正式進入高堡範圍~
之後就行到 Leopoldova Brána(The Leopold Gate)~
再之後就行到 Rotunda Sv. Martina(Rotunda of St. Martin)~
Rotunda of St. Martin 是布拉格保存完好的最大圓形大廳。它建於 11 世紀下半葉。它在其歷史上曾多次逃過拆除。在三十年戰爭期間，它被用作火藥店。現在被 Vyšehrad 教會分會用於宗教目的。
上得高堡，就一定會嚟呢間教堂~
Bazilika Sv. Petra a Pavla(Basilica of St. Peter and Paul)
Basilica of St. Peter and Paul 是布拉格高堡內的一座新哥德式教堂，始建於1070-1080年間。在1249年整個建築遭受到嚴重的火災，之後以哥德式修復。
教堂隔籬就係 Vyšehradský Hřbitov(Vyšehrad Cemetery)~
有唔少名人葬喺呢個墓園，包括作家卡夫卡同畫家慕夏~
不過我哋就冇刻意去搵各名人嘅墓~
呢度啲墓碑好多都好有特式~
高堡係沿河嘅高地，又可以睇吓風景~
高堡隨影~
下一站 Pork's(Dinner)
去 Pork's 嘅途中，我 whatsapp 旅館負責人，問吓佢聽日我可唔可以寄存行李喺佢度~
佢回覆我可以之餘，仲叫我哋今晚返去嘅時候，去接待處搵一搵佢~
唔知咩事呢~
Pork's，顧名思義，當然係食豬嘅，我仲諗住，主打豬啫，應該仲有其他嘢食嘅~
點知呢，肉類嚟講，真係只有豬肉，夠晒專一~
Homemade raspberry lemonade & Homemade Orange lemonade
Cabbage soup made from our knuckle
湯又係鹹咗啲，但味道唔錯~
Pork knuckle, mustard, horseradish, crispy sauerkraut
之前喺 CK 小鎮食咗一次豬手(膝)，完全唔掂，但其實唔知會唔會係捷克風味，今次喺度試多次，如果都係一樣，咁我就當係捷克風味都係咁~
豬皮非常鬆脆，好食好不得了，連芥辣都好味過人！豬肉有肉味，雖唔算濃，但都幾唔錯~
食完呢隻豬手，咁我相信並不存在甚麼捷克風味了~
當然啦，CK 小鎮嗰隻係豬膝，呢度係豬手，可能真係唔可以直接比較，但點都好，總之 CK 小鎮嗰間享負盛名嘅地窖餐廳所提供嘅豬膝，真係同期望有極大嘅落差~
而呢間所提供嘅豬手，真係一個天堂一個地獄~
呢餐食得好開心，我哋兩個唔係大食嘅人，可以完全食晒一整隻豬手~
Beer ice cream with caramel whipped cream
由於食完隻豬手真係有幸福嘅感覺，再點個甜點，完美！
啤酒味雪糕，我哋都未食過，亦好少見有提供(我係完全冇印象見過)，就試吓~
上雪糕嗰個服務員好醒，送到嚟時睇吓檯面餐具有冇多隻匙羹，發現冇，走去拎張餐紙包住隻匙羹俾我哋~
面頭嘅焦糖奶油唔算好甜，都錯都錯~
我哋都唔飲啤酒嘅，但啤酒嘅副產品就 OK~
個雪糕每啖都好有啤酒味，好味道~
食完呢餐真係好滿足，笑住走呀~
返到民宿，負責人話維修師傅嚟睇過，要換零件，今日整唔到，佢亦冇額外房間俾我哋去沖涼~
佢拎咗張 €50 紙幣出嚟，遞俾我哋，希望我哋接納~
我哋覺得佢都真係已經想盡辦法都解決唔到，出到用錢去補償，誠意十足~
但 €50 會唔會太多？我哋嗰刻冇伸手接，唔係因為唔接受，係唔好意思接受~
佢一再推張紙幣過嚟，同時說：Please~
咁其實 €50 唔係咩大錢，佢又唔會有咩大損失嘅，就接受吧~
呢間嘢有企缸有浴缸，我哋就用個水煲煲水倒落個浴缸度沖，都 OK 嘅，係麻煩啲囉~
沒有留言:
發佈留言