今日行程：
【Malta】Mellieħa WWII Shelters → Our Lady of Grotto Shrine → Church of the Nativity of Mary → Rotunda of Mosta → Mosta WWII Shelter → Ta' Doni(Lunch) → Mdina Fortress → The Mdina Dungeons Museum → National Museum Of Natural History → St Paul's Cathedral → Dingli Cliffs → St. Mary Magdalene Chapel → Qajjenza Bar & Diner(Dinner) → South32 Hotel(Accommodation)
早餐旅館包埋，同噚日同一間旅館，一式一樣嘅早餐~
今日第一站就去返噚日去到冇開嘅防空洞~
Mellieħa WWII Shelters(防空洞)
馬爾他島上規模最大、保存最完整的二戰空襲避難地道之一。地道總長超過 500 公尺，共可容納 Mellieħa 當地約 3,842 名居民與來自其他地區約 1,117 名難民。設有約 14 個側室，其中一些較大的側室屬家庭專用空間，另設有母嬰室和診療室。
(原來冇影到門口相，不過噚日有影~)
呢個防空洞真係超級大，係真係要睇地圖先至唔會行漏~
呢度雖然有模擬嘅場景，但仍然難以想像當時嘅情境~
生活環境惡劣、焦慮、惶恐，喺當時相對現代嘅人嚟講，相信無論喺生理上定心理上都直迫崩潰邊緣~
Our Lady of Grotto Shrine(洞窟聖母)
呢個地方對當地人嚟講有重要宗教意義，佢哋相信聖母會喺困難時保佑信徒。洞穴本身位於石灰岩崖邊，環境寧靜又充滿靈氣，好多朝聖者會嚟祈禱同冥想。
本身冇計劃嚟呢度，係行過見到有個牌就行落去睇吓~
入面非常寧靜，感覺好神聖，我哋都唔敢行前，亦唔敢用相機影相(因為有聲)，所以就用手機靜音咁影，影完就離開，免得打擾他人~
繼續教堂行程~
Church of the Nativity of Mary(聖母誕辰教堂)
初建於 1616–1630 年間，教堂主立面為巴洛克風格，擁有雙塔、大型圓頂及雕刻細緻的銅門，內部富麗堂皇，裝飾有大理石、浮雕、宗教雕塑等元素。
去呢間教堂時，遇有單程路，我哋唔可以再前進(但 google 示意可以通過)~
望一望地圖，兜過去有啲複雜，再者行車地圖都唔係完全可信，而由呢度行過去只係 5 分鐘，又咁啱有位泊車，就決定泊低行過去~
不過去到教堂係冇開，而佢門口所示嘅開放時間同 google 上所示嘅係非常唔同~
我當然知 google 嘅資訊好多時都係唔啱，但如果官網冇講開放時間，又搵唔到有咩人講，google 就變成相對可以依靠~
唯有喺門口影張相做個記錄~
再去下一間教堂~
去到教堂停車場，冇位，仲有唔少人等緊，我決定周圍兜吓~
兜咗好耐先搵到位，不過行過教堂要 10 分鐘，但係都冇計~
行去教堂時，中途就見到幾個車位，世事就係咁~
Rotunda of Mosta(聖母升天圓頂聖殿)
建於 1833-1860 年間，靈感來自古羅馬萬神殿(Pantheon)，擁有直徑約 37 公尺嘅超大圓頂，是歐洲第三大、未加支撐柱嘅石造圓頂之一。
二戰期間，一枚德軍炸彈直接擊中圓頂，但未爆炸，無人傷亡。呢件事被視為「奇蹟」，炸彈複製品現時擺放喺教堂內供人參觀。
網上搵到嘅資訊係免費參觀，但現場就要 €5 一個人，來都來了(個個都講，我又乘機用吓，將來睇返唔知仲記唔記得咩事)，俾啦~
教堂附近都有個防空洞~
Mosta WWII Shelter(防空洞)
防空洞全長約 50 公尺， 建於第二次世界大戰期間，由石灰岩手工鑿成，內部狹窄但堅固，可容納數十人。
之後就去食午餐~
午餐後係去堡壘，所以事前就喺堡壘附近決定好食咩~
由於堡壘係大景點，又會有車位問題，預咗冇位泊車，所以差唔多到嘅時候，見到有位就泊~
附近隨影~
堡壘停車場好大，但係都滿晒，仲有唔少人等緊位~
Ta' Doni
Gingle ale, Ice tea peach
Tal-Pikles
Smoked traditional Maltese sausage, pickled egg, pickled opion, fresh tomato, rucola salad, extra virgin olive oil in fresh Maltese bread
唔多識欣賞，好似好唔夾咁，味道一般~
Mortadell Pistachio
Toasted pistachio pesto, ricotta, mortadella, crushed pistachios on sourdough bread
呢個唔錯，個麵包好食，火腿都好食，不過覺得有啲搶咗開心果嘅味道~
等埋單等咗好耐，其實之前等落單都等咗好耐~
我又唔覺得佢哋真係好忙，同埋個個都黑口黑面~
Mdina Fortress(姆迪納堡壘) / Mdina Old City(姆迪納古城)
約公元前 8 世紀建立，最早由腓尼基人建城，後來被羅馬人、阿拉伯人、諾曼人及騎士團不斷擴建與強化。厚重城牆圍繞整個城市，俯瞰馬爾他平原，擁有極佳戰略位置。
古城又稱為「寂靜之城(The Silent City)」，因為城市細小、車輛進入受限，加上居民不多，整個古城氣氛寧靜優雅。
曾經係多部電影取景地，包括《權力遊戲》。
Mdina Gate(姆迪納城門)
入咗城就行吓博物館先~
The Mdina Dungeons Museum(姆迪納地牢博物館)
係一條條陰暗嘅地下通道同囚室展示古時各種酷刑、羞辱刑具、折磨過程，內容令人印象深刻但亦具教育意義。
不過呢個有少少唔同，每次睇啲佈景都係假人，今次行到最尾有一個真人，真係嚇到唔少人~
佢下下要等有人嚟先郁，應該好攰吓......
去歐洲旅行，唔難見到呢啲博物館，每一次，屎塔都相當感興趣，但其實都大同小異~
頭幾次睇可能幾令人好奇，但其實之後睇到嘅都叫做睇過晒，不過佢仍然樂此不疲~
所以話，每個人都有佢嘅陰暗面......
National Museum of Natural History(國家自然歷史博物館)
博物館設於 Vilhena 宮殿(Palazzo Vilhena)，建於 1726‑1728 年間，屬法國巴洛克風格。
宮殿歷經作為法院、1837 年霍亂疫情病院、19 世紀英軍療養院與結核病院等用途，直到 1973 年正式開幕成為自然歷史博物館 。
博物館館藏接近百萬件標本，包括岩石、礦物、鳥類、昆蟲、貝殼、魚類、哺乳類及化石等。
跟住就閒逛古城~
有個近城門嘅觀景台想去，不過點都搵唔到路，作罷，反正我知個景好一般，只係諗住順路一遊而已~
途經城內主要嘅教堂~
St Paul's Cathedral(聖保祿主教座堂)
教堂於 1693 年西西里大地震中嚴重損毀，1696 至 1705 年間重建，採巴洛克風格，外立面分三段式設計，有複合柱式裝飾，頂部設有一對鐘樓，以及左右兩個不同功能的時計，據傳其中一個表盤顯示日期用以「迷惑魔鬼」。
去到嘅時候因婚禮進行中，不對外開放~
不過其實本身都唔諗住入，因為成 €15 一個人，太貴了~
古城隨影~
行到尾就到城牆邊，牆身非常厚~
呢個古城算係幾普通，真係相都唔影多張~
計劃好嘅行程，已經走完，不過而家時間比預期早，我想搵啲地方去~
回程經過喺古城入面，計劃好會到訪嘅晚餐餐廳，但我而家會去第二度，離開得古城就唔會再返嚟，今晚食咩就之後再算~
Dingli Cliffs(丁利懸崖)
呢度係馬爾他最高點，高約 250 米，可以俯瞰地中海，風景優美，係睇日落嘅熱門地點之一。
附近有間小教堂~
不過又係婚禮進行中~
St. Mary Magdalene Chapel(聖瑪麗瑪達萊納教堂)
這座小教堂建於懸崖邊，因此馬爾他人稱佢為 il‑kappella tal‑irdum(懸崖教堂)。此教堂最早記錄可追溯至 1446 年，教堂採用典型的馬爾他鄉村小教堂風格，外面有一個小廣場。
之後都冇咩地方可以去，就去旅館 check-in，再搵間餐廳食晚飯~
旅館對開環境~
Check-in 後，決定好去邊間餐廳就行過去，車就唔駛開，間餐廳好近~
旅館附近地形簡單，都冇用導航就行過去，結果就去錯地方~🤪
附近有兩個海灣，我哋以為間餐廳喺第一個海灣，但其實係喺第二個海灣~
咁不如就地喺第一個海灣搵嘢食啦~
見到間餐廳話佢係海鮮專門店，就試試佢~
Qajjenza Bar & Diner
Orange juice, Ice tea peach
餐前附上嘅前菜~
多士好脆，蕃茄上有葱有芫茜，好香好醒胃~
Traditional fish soup
話就話魚湯，不過冇乜魚味，咁味道都 OK 嘅~
Tagliatelle gamberi rossi
Peeled prawns, whole rosso prawn & lemon zest
麵質偏硬，感覺未煮透咁，成碟嘢係冇味，汁冇味，蝦都冇味~
Fish of the day - Snapper
佢抬咗一盤鮮魚出嚟俾我哋揀，我哋叫佢介紹吓，最後揀咗 snapper~
條魚係用烤嘅，肉質相當 moist，好有鮮魚味，呢部份相當滿意~
但係佢冇去鱗，可能呢度係唔預你食埋魚皮，又或者預你食埋魚鱗!???
總之一口都係鱗，都幾影響進食體驗~
叫咗埋單之後，等咗一陣就俾咗張單我哋~
等咗勁耐都冇人再走埋嚟，又唔可以舉手，眼神又接觸唔到......
時間尚早，冇乜客，因乜事要等咁耐？佢哋明顯都唔忙~
唯有 excuse me 一吓，佢話埋單要去櫃檯埋，DLS，早講吖嘛！
叫得埋單就諗住走人咖啦，咁耐都冇行動唔過嚟關心吓嘅~
多數餐廳都唔係去櫃檯埋，你咁特別係冇問題，但你要講俾人知吖嘛！
食完飯就行返旅館~
沒有留言:
發佈留言