嚟咗 UK 咁耐,真正第一次出去行吓,唔係講行吓啲街,係講出去睇吓風景,去吓啲景點咁~
有時會覺得,嚟到 UK,旅行感覺會有啲模糊,去附近嘅公園行吓,算唔算旅行?如果唔算,去個海灘行吓,又算唔算旅行?離開市中心去遠啲呢?半日遊呢?去第二個城市呢?去第二個郡呢?
再推落去,去 UK 內嘅第二個國家,又冇理由唔算旅行,其實都冇得點定義,唔理喇,想記錄就記錄~
既然買咗車,就去遠少少行吓~
Aberdeenshire,景點唔算太多,半日/一日遊嚟講,又唔想去太遠,所以選擇非常有限~
最初只係定咗想去 Newburgh Seal Beach 睇 Seal,之後再睇吓去唔去 Bullers of Buchan 睇 Puffin~
去 Newburgh Seal Beach 睇 Seal,網上睇過,係全年全時間都睇得到,不過以潮退時為佳~
上網查過,16/7 0940 為當日其中一個最低潮時間,咁就啱晒,瞓醒食埋嘢先出門口都未遲~
出發~
今日行程:
Newburgh Seal Beach → Bullers of Buchan → Slains Castle
今日一早起身,喺屋企慢慢食個早餐,不徐不疾,食完早餐就出門口~
今日第一站「Newburgh Seal Beach」
係一個全天候都有機會見到野生海豹嘅海灘
大約 20 分鐘車程,就到達 Newburgh Seal Beach 嘅停車場~
現場有指示,跟指示行就會去到 Seal 出沒嘅地方~
到咗海灘,一係轉左,一係轉右,就現場環境睇,幾乎可以肯定轉右先啱~
因為左邊一個人都冇,而且右邊係通往大海~
行到中途,有隻看似荒廢已久嘅艇~
不遠處,對岸有一堆黑色物體,黑色物體嘅對岸,有人群聚集,都幾相信嗰堆黑色物體就係海豹~
未行到黑色物體嘅對岸,已經見到水入面有海豹蹤影~
嘩,原來有成過百隻海豹喺對岸!
由於潮退關係,我哋同海豹嘅距離都算幾近~
近大海嘅遠處,仲有一大堆黑色物體,初時都唔肯定係咪海豹~
屎塔用相機 zoom 近睇,就睇到只係石頭,咁就唔行咁遠喇~
對岸有舊好似建築物嘅物體,傾斜咁陷入沙堆中,唔知係咩嚟~
Newburgh Seal Beach 隨影~
停車場個出入口,唔知點解要整到咁窄,唔知係咪防止啲 Caravan/Camping Car 進入泊通宵~
時間尚早,我提議去埋 Bullers of Buchan,搏一搏睇吓睇唔睇到 Puffin~
下一站「Bullers of Buchan」
一個有機會睇到 Puffin 嘅山崖~
沿途風景~
Bullers of Buchan~
睇咗好耐,都搵唔到 Puffin 嘅蹤影,只有數之不盡嘅海鷗~
呢個位置勁臭!
係海鷗嘅味道?還是鳥糞嘅味道?
崖上白色嘅,相信係鳥糞~
附近風景~
睇夠就諗住歸家,不過揸車行行吓見到有個疑似廢棄咗嘅城堡,即時 u-turn,走過去睇吓~
下一站「Slains Castle」
Scotland 有好多城堡,其中有好多都未能完整保存,Slains Castle 就係其中之一~
將部車泊咗喺城堡停車場,仲要行一段幾長嘅路,睇返地圖,足有 0.7 mile,都幾遠~
Slains Castle~
一個已廢棄嘅城堡,對住崖邊嘅大海,很有歷盡滄桑嘅味道~
歸家時天氣變差,算是幸運~
沒有留言:
發佈留言