2024 日本 - 後記

今次去日本，感覺上同之前都幾唔同~
服務業嘅服務態度真係冇之前咁好咁日本，唔知係因為東北地區定因為時代真係唔同左~
喺便利店亦見多咗非日本人嘅店員~

完咗日本旅程，我哋唔係直飛英國，係返香港先，因為仲有啲事要處理~
期間我去 Citibank 入返啲日元入戶口，經歷咗一次非常唔好嘅體驗~

我哋未夠 09:00 就去到，後來先知 Citibank 係開 09:30 嘅，咁當然都唯有繼續等~
等到夠鐘開閘喇，兩個男嘅態度好好咁邀請我哋進入，埋到櫃檯係一位女士~
對方全程一臉不悅，對話如下：
我：早晨
(她沒有回應)
(我遞上 debit card 及日元現金)
我：想存入日元現金，到外幣戶口，唔該
她：張卡係咪你本人？
我：係
她：仲有冇其他？
我，冇喇唔該
她：入幾多？
我講咗個數俾佢聽~
處理完後就俾返張 debit card 及收據我~
(如果以現實描述，佢只係放回檯面，再挑剔啲咁講，張卡同收據近佢多過近我，佢亦冇講任何嘢，需唔需要簽名還是甚樣我不知道，今次係我第一次到櫃檯存入外幣)
之後佢就轉身同其他同事傾偈~
我當時唔知道係咪處理完畢可以離開，為表示禮貌，我等佢同同事談話完畢(過程約十秒鐘)，轉身面向我，我先問一句：請問係咪 OK 喇？
她：呀
(我想是表示 yes 吧，這樣一聲「呀」，實在令我感到有點錯愕)
我：唔該晒

基於互相尊重，我自問已經態度友善，保持禮貌，但今次嘅服務體驗真係好差，我絕對唔係覺得顧客大晒或永遠是對的(無論大客或小小小顧客也算是顧客吧)，為何要全程黑面？我已經好好禮貌，可惜我連一絲尊重都感受不到~





因為一啲意外(唔係因為執錯篋，係因為一啲好事發生咗，導致唔係咁好嘅後果)，我件褸意外地拎咗去寄艙~
喺 Amsterdam 等轉機嗰兩個幾鐘，凍到瀕臨死亡......
今次旅程，搭過 CX 同 KLM，兩者飛機餐真係爭幾條街~
我係亞洲人，點都係亞洲嘢合胃口啲，但 KLM 提供嘅西餐係完勝 CX 提供嘅中餐~