Arcanum Glacier (ATV 越野四驅車) → 天空之鏡 (Dyrhólaey) → Dyrhólaeyjarviti (燈塔) → Kirkjufjara Beach (黑沙灘) → Reynisfjara (黑沙灘) → Vik i Myrdal Church (教堂) → Halldorskaffi (Dinner) → Vík Apartments (住宿)
今日早餐係住宿包埋嘅~
都係一般西式早餐，不過就有提供網上面經常有人提過嘅牙膏式魚子醬~
又幾好味喎~
今日第一站 Arcanum Glacier (ATV 越野四驅車)
去玩 ATV，係因為想去飛機殘骸，我哋就揀咗個最懶嘅方法~
要去飛機殘骸，有三個選擇：沙地上步行一小時(來回就兩個鐘)、Fat Bike、ATV
我哋就揀咗最懶又最好玩嘅方法~
呢度係 Arcanum Glacier 嘅 Basecamp~
出發前要簽一份嘢，都係啲免責聲明嗰啲，不過就冇問我哋攞過國際車牌，可能簽咗名，有冇車牌都好，一切責任自負，所以唔需要檢查~
之後就要換佢啲衫、面罩、頭盔，呢幾樣係必需嘅~
另外佢會問你要唔要手套，佢啲手套薄身啲，操控部 ATV 可能觸感會好啲，但又怕唔保暖，都係攞咗先，中途想換都有得換~
佢又問我哋啲鞋防唔防水，我哋諗都唔諗，梗係話唔防，否則陣間又搞到濕晒！
但係佢話唔會點濕，問我哋係咪都想換佢哋啲鞋~
唔理喇，以防萬一呀，對鞋濕到入入面真係好唔舒服，梗係用佢嗰啲啦~
佢嗰啲真係全能防水防滑鞋嚟，掂呀！
著好晒裝備，就跟教練出去~
不過個教練面口麻麻地，可能睇見我哋五隻嘢換衫換咁耐唔係好耐煩......
出到出面，有四部 ATV 攞咗喺度，我哋五個騎三部，剩返嗰部當然係教練嘅~
教練騎咗上車，開始慢慢講解~
講到一半，有個年輕東方男子過嚟問路，原來佢係問點去飛機殘骸，車可以泊邊度~
教練同佢講要行一個鐘~
咁我哋陣間喺飛機殘骸都可能見到佢~
呢類越野四驅車，我之前都玩過，記憶中係扭油筒嘅，講解前，我成日都提佢哋，有啲咩事，記得唔好太過緊張死扭油筒，否則就好危險~
點知呢款 ATV 唔係扭油筒嘅，係用手指公推嘅，咁樣好似安全啲~
講解完之後就上車~
我哋五個人入面，只有阿珊係冇車牌，不過無論有冇車牌，飛珊都係一架車，冇關係~
我哋三個，媽咪嚟講經驗最少，我諗一開始時，佢都係做乘客好啲~
咁照道理，媽咪就梗係跟屎塔，不過屎塔自己都唔係話好有經驗(其實 ATV 嚟講我都冇乜經驗......)，結果媽咪就係我嘅乘客嘞~
部車好易控制，冇咩特別需要去適應，咁就好嘞，咁樣大家都易上手，意外風險就細好多~
離開咗主路，路變得崎嶇，仲要過幾次河，好彩著佢啲鞋咋！
沿途風景好正，雖半途開始落雪，但絕對無傷興致~
黑色嘅沙，白色嘅雪，陰暗嘅天色，我們還在地球嗎？
導遊帶我哋到一處沙灘停低，算係一處風景，或是當作中途休息吧~
我哋見呢度夠廣闊，冇其他人同車，就問吓媽咪有冇興趣試玩吓~
媽咪就當然有興趣啦，於是我哋就同導遊講，點知導遊話，跟佢走，佢帶媽咪行一圈，仲好呀！
媽咪負責駕駛，屎塔做乘客，又有導遊帶領，呢個組合真係 PERFECT！
再出發時，媽咪做司機，屎塔做媽咪乘客~
行經一處地方，啲浪衝入沙灘時，係行唔到車，要等，等待合適時機先可以通過~
行行吓就去到個小斜波，俾油，衝上去，過癮！
過咗呢個小山丘就見到飛機殘骸~
嚟到飛機殘骸呢度，只有幾個遊人，而且仲唔係喺飛機旁邊，正~
不過呢，機身佈滿遊人留下嘅字句，有啲仲貼埋貼紙，其實咁樣真係好自私，又唔知咁做係為乜嘢......
喺參觀途中，先前喺 Basecamp 問路嗰個年輕男子出現了~
佢一嚟到就走入殘骸內部，然後放低隨身物品~
初時我都冇為意，繼續自顧自地參觀~
其後，想影相時，螢幕中有啲嘢好突兀，原來係嗰個男人啲袋！
而個男人就喺外面玩緊航拍！
佢都好自私吓，一嚟就好自然咁走入去放低私人物品喺殘骸入面，當正自己私人地方咁！
咁人哋點影相呀，唔通想影你啲袋咩！
我原本唔知呢個自私男係咩國家嘅人，不過見同佢一齊嚟嘅三位女士，似係大陸人，當時呢三位女士在殘骸機艙內影緊相(自私男不在)~
我刻意走近屎塔佢同講呢件事，其實我係刻意俾嗰幾位女士聽到，再睇吓佢哋反應~
佢哋帶點尷尬咁一齊望一望我，哦~~~原來聽得明廣東話嘅~
之後我冇理佢哋，繼續參觀~
不過神奇的事情發生了！
個自私男刻意走過嚟，滿臉敵意咁望咗我一眼(本來我同佢係在殘骸一左一右的)，我都冇理佢~
再之後發現佢啲私人物品已經不在殘骸內！
呢個知錯能改嘅行為，令我深感意外，我心底裡係欣賞嘅~
好嘞，要回程嘞，屎塔話做媽咪乘客，咁就我自己一架~
行咗唔係好耐，去到一處沙灘，又停咗一陣~
再起程時，我叫屎塔自己揸一部，我做媽咪乘客~
成個冰島遊其實都係我揸車，我覺得喺可以嘅時候應該讓返個位出嚟~
回程時，有時會見到藍天，有時又冇~
我真係覺得，喺呢個環境，如果天氣好好(藍天)，個畫面係冇咁正，係灰灰濛濛，襯返個環境先夠荒涼感~
媽咪真係揸得唔錯，完全唔覺係冇乜經驗~
其實做乘客都幾正，可以好自由咁欣賞吓沿途風景，係"凳"啲囉，坐到腰骨都痛......
返到 Basecamp 又見到貓，由室內玩到室外~
門外有兩部怪物~
下一站 天空之鏡 (Dyrhólaey)
冰島嘅天空之鏡，最為知嘅，一定係 Stokksnes~
不過出發前有人分享咗 Dyrhólaey 附近都有一個~
試著根據分享者提供嘅資料去搵，唔係太確定到個位置，咁冇辦法，去到現場先算~
不過呢，今日咁嘅天氣，大風又有啲雨，其實都打定輸數，天空之鏡唔會出現......
去到座標所指嘅現場，似係似呢度，不過就唔確定係唔係~
我同阿飛就再行遠啲去探索吓，不過都真係唔見有，放棄吧~
下一站 Dyrhólaeyjarviti (燈塔)
上燈塔，只係為咗上高啲嘅地方，本身對燈塔興趣不大的~
不過要上燈塔，真係要睇天氣，因為上燈塔條路聽聞幾斜，又窄又冇圍欄，幾危險吓~
如果天氣唔好，應該唔會冒險上去了~
其實今日天氣絕對唔算好，不過咁啱嚟到 Dyrhólaey 呢頭冇落雨，就慢慢揸上去，邊行邊評估，上斜路前再決定上唔上~
條路好多凹凸洞，唔怪得限 20km/h~
望落唔係好斜，不過真係行過先知~
初時係怕喺斜路會有啲結冰嘅路，結咗冰嘅斜路，淨係聽都覺危險，不過我見啱啱有車落嚟，咁即係話條路其實唔係咁差~
路係窄嘅，不過只要係適當時候識得停車讓，其實都冇問題~
平安到埗~
我哋身處嘅地方其實好高，相係反映唔到出嚟~
上面呢度嘅風景真係正，嚟冰島幾日，天氣差嘅時候佔大多數，難得上嚟呢刻冇落雨，否則都唔敢上~
Dyrhólaeyjarviti (燈塔)
由於天氣開始轉差，開始落雨，為免危險，我哋決定盡快落山~
就係咁為呢種心情，我忘記了仲有一個景未睇，就係 Dyrhólaey 呢邊嘅海蝕洞~
雖則海蝕洞其實......都係咁啦，咪好似沖繩嘅万座毛咁囉，我哋五個都去過啦~
只係明明安排咗，錯過咗竟然係因為唔記得！
其實我可以賴嘅，天氣轉差，要盡快離開，反正又唔係未見過海蝕洞~
點都好啦，都離開咗......
不過都好彩走得快，啲雨越嚟越密~
下一站 Kirkjufjara Beach (黑沙灘)
其實我都唔知呢邊係點樣嘅，比較少人去，見有時間就過去睇吓~
呢邊風景都唔錯呀~
好大浪~
呢度可以行落去黑沙灘，不過，應該一落到去就俾啲浪卷走咗~ XDDD
呢度都有個海蝕洞，頂住先~ XDDD
幾鍾意呢張相~
因為呢頭冇乜餐廳，所以今日嘅 Lunch，係自製嘅~
係，Reynisfjara 嗰邊係有餐廳，不過啲評價唔係幾好，所以就唔去喇~
所謂自製，其實只係求其買啲蛋糕仔填飽個肚就算~
喺車食完先開車~
下一站 Reynisfjara (黑沙灘)
呢個黑沙灘係遊南部必到，因為可以睇到 Hálsanefshellir Cave (玄武岩山洞)、Reynisdrangar Cliffs (玄武岩懸崖) 及 Reynisdrangar (海上玄武岩小精靈)
沿途風景~
喺冰島,通常入城鎮之前，都會有呢啲測速器，冇超速就微笑；有超速就不快，不過據聞只係提醒，並非警方影快相~
經過見到座小教堂，就停低參觀吓~
面向教堂嗰邊嘅天色幾好，但另一邊就多雲~
嚟到 Reynisfjara，首先見到嘅係一舊舊嘅岩石~
非常遠處就見到先前忘記咗嘅海蝕洞，不過真係太遠了~
好大浪，間中都睇到片有人走唔切俾海水沖到濕晒，真係好危險，分分鐘俾海浪卷走！
Hálsanefshellir Cave (玄武岩山洞)
Reynisdrangar Cliffs (玄武岩懸崖)
Reynisdrangar (海上玄武岩小精靈)
黑沙灘所謂嘅沙，係火山爆發後噴出嚟嘅黑曜石，經年累月，被海水沖刷到咁樣~
下一站 Vik i Myrdal Church (教堂)
其實我首先唔係去教堂所在嘅地方，係再上高啲，由高處望返落教堂同 Vík 鎮~
上教堂條斜路有啲結咗冰，要好小心咁慢慢揸上去~
過咗教堂再上高啲，唔單止有少少結冰，仲係窄嘅彎路，好彩只係過兩個彎就到~
由呢度望落去，真係幾正~
跟住就落一落教堂嗰度~
呢度望個小鎮真係爭好遠~
跟住就去 Kr (超市)~
買完嘢就去 Vík Apartments (住宿)~
不過搵嚟搵去都搵唔到間嘢，明明睇地圖，我哋係到咗，但眼前嘅呢間嘢係冇名亦唔見有接待處嘅地方~
於是屎塔同阿飛就落車周圍行吓再睇~
等咗陣，我又落車周圍睇吓~
其實放眼四周，只有一間嘢係有名，就係 Icelandair Hotels~
我都覺得好惆悵，唯有盼望佢兩個搵到~
我返上車後，阿珊話俾我知有個男人走埋嚟好惡咁問司機喺邊~
原來我頭先揸車唔小心進入咗一啲唔係路嘅地方，所以佢就走埋嚟想鬧我~
咁就真係唔好意思，滿地都係雪，我真係唔知道，不過衰咗俾人鬧好抵死啦~
其實好彩我唔喺度，我咁講並唔係因為俾人鬧嗰個唔係我，而係對方對住個女仔，又唔係司機，一定冇鬧得咁勁~
之後對方又問我哋喺度做乜嘢，阿珊就話俾佢知我哋搵緊 Vík Apartments~
對方話要去 Icelandair Hotels 嗰邊 check-in 咗先~
頂吖，唔係做錯咗俾人鬧，真係一世都搵唔到！
當然我唔係話我錯得啱啦，錯就係錯......
阿珊之後即刻通知屎塔同阿飛，成功 check-in，間房亦都真係地圖所指嘅地方~
Vík Apartments 間房幾大，好舒服~
下一站 Halldorskaffi (Dinner)
呢間餐廳入面有間小小的博物館~
叫咗四樣嘢~
Tagliatelle spiced with a mexicana herbs, grilled chicken on a spear
雞肉好食~
Tagliatelle with Italian herbs, cream and white-wine, prawns on a spear
呢碟嘢睇表面就好普通，不過食落係幾好食，有蝦味，個汁亦唔錯~
Garlic marinated cod with sweet potato mash and fresh icelandic salad
雪魚竟然普通，味道一般~
Pizza - Giantess
Pepperoni, ham, beef topping and bacon
Pizza 太鹹~
我哋喺超市仲買咗雪糕同汽水~
我同阿飛分別都帶咗部 Switch 過嚟冰島，諗住早天黑，夜晚比較長時間冇嘢做可以消磨吓時間~
不過嚟到先知道，其實係完全唔需要，一來日日轉酒店其實都有好多嘢要處理，二來其實都攰，有時間都係休息吓~
今晚就真係有點早，結果就拎咗部 Switch 出嚟玩~
總算冇白拎啦~
今晚天氣唔錯呀，望到星星，不過留意咗好多次都冇極光嘅蹤影，半夜又起身睇都冇......
沒有留言:
發佈留言