鶴見台 → 屈斜路湖、砂湯 → 硫磺山 → 弟子屈町(午餐) → 阿寒湖 → 旅館(晚餐) 【旅館：ニュー阿寒ホテル】
今朝起身，望出窗外，天氣不錯，同噚日差天共地~
相信今日 join 咗嘅 tour 可以成行~
今日 join 嘅 tour，由釧路為起點，終點為阿寒湖~
講得係 tour，當然唔係純搭車咁簡單，中間會停幾個地方，包括：
鶴見台、、屈斜路湖、砂湯、硫磺山、弟子屈町(午餐)、摩周湖第１展望台
(註：團費已包含午餐費用)
早餐旅館包埋，普普通通~
走出旅館，天氣不錯~
不過四圍都係思樂冰狀，溶咗嘅雪~
上車前要點名~
巴士團第一站係去「鶴見台」
喺鶴見台，好大機會會見到體態優美嘅丹頂鶴~
呢個巴士團，係會有導遊帶領嘅~
我報團嘅時候，只係集中喺佢嘅路線同時間，完全冇諗過導遊呢回事~
所以上到車見到有導遊，有啲意外~
但其實，乜團物團都好，有導遊係正常不過嘅事~
沿途導遊不停講嘢，但車上十幾人，完全冇人有反應，唔通一個識聽日文嘅人都冇？不過聽到好多人講普通話同國語就真嘅~
但工作歸工作，冇人識聽都要講，中途仲唱歌，又幾好聽~
到咗鶴見台~
見到幾十隻丹頂鶴在遠處~
唔知呢兩隻唔同色嘅係咪未成年呢~
等咗好耐先等到佢哋飛~
附近有間商店，又係買雪糕食嘅時候~
夠鐘就上返車，開車去「屈斜路湖、砂湯」
屈斜路湖除咗係一個美麗嘅湖，最特別嘅地方，就係佢某啲地方係唔會結冰~
據說係因為湖嘅四圍都係溫泉，所以形成咗呢個景象~
而砂湯，就係喺岸邊嘅沙灘，隨意挖開啲沙，就會有溫泉滲出~
上返車之後，就去「硫磺山」
我哋興趣不大，就冇行上去~
不過呢度有個位好深雪，我喺度諗，其實就咁完全唔扶咁向後瞓落啲雪度，係咪唔會痛呢？
我將我即興嘅愚蠢想法化作行動~
上面提到愚蠢兩字，已經表明咗，係會痛嘅，而且仲幾痛......
之後就上車去弟子屈町食午餐~
食物種類豐富，可惜味道一般~
外面有個大雪人~
之後再上車就去摩周湖第１展望台~
(摩周湖第２展望台冬天不開放)
不過行駛途中，司機同導遊交談咗幾句，導遊就同我哋講道路封閉，去唔到摩周湖第１展望台了~
都真係有啲失望，以為今日天氣不錯，應該順順利利~
忽略咗暴風雪過後，積雪太多導致道路封閉嘅問題~
去唔到觀景台，就直接去阿寒湖~
到咗阿寒湖，就去旅館 check-in 先~
前台大叔完全係唔想做嘅態度，喺日本真係比較少見~
每年阿寒湖嘅冬天，都會舉辦「冬華美」嘉年華會~
我哋早咗到阿寒湖，就去冬華美嘅會場睇吓有咩玩~
途經「愛奴村」，積雪甚多~
呢間好似係旅客中心~
湖上面可以玩嘅東西~
湖面陣陣強風，可能因為咁，冇乜人~
我哋首先玩咗香蕉船，不過都幾流，唔好玩嘅~
跟住走咗去釣魚~
俾完錢就會得到魚桿同魚餌，仲有袋，用嚟裝戰利品~
我哋就係匿入左邊嗰啲大帳篷到釣~
右邊細嘅就貴啲~
前後左右都有人釣到，但係我哋釣咗好耐都冇收穫......
轉過第二個帳篷再碰吓運氣~
哈，終於俾我釣到！
我嘅第一條，亦係唯一一條......
屎塔呢，一條都冇......
其實真係唔知點解會咁，兩個帳篷都分別有人釣到幾十條，一陣又一條，一陣又一條咁~
不過越釣越頂唔順，腳掌凍到冇晒感覺，個人就一啲都唔覺凍~
可能又係因為唔郁嘅關係，鞋底長期掂住冰凍嘅地板~
釣魚期間收到電郵，話湖上雪太厚，明早嘅「阿寒湖早朝散步」取消......
天呀！一場暴風雪影響真係大！
報呢個早朝散步，係想睇到阿寒湖罕有而美麗嘅「霜之花」，不過前日咁樣落雪法，個團唔取消其實都唔會睇到霜之花~
釣到嘅魚，可以拎嚟呢間餐廳，佢會免費幫你炸~
不過我哋得一條，有啲唔係幾好意思~ XDDD
但係又想食喎，唔理喇，照去！
炸起之後，係咁樣~
可能老闆可憐我哋兩條友但得一條魚，私人醒多幾條俾我哋~ XDDD
又幾好食喎~
玩夠就返旅館食晚餐~
呢間旅館嘅晚餐係自助餐，我自己就好似冇乜試過一泊二食，晚餐係自助餐，都幾特別~
自助餐好多嘢食，同時亦好多人，但喺條街同冬華美會場上，真係冇乜人，個個都喺旅館浸溫泉？
自助餐食物味道整體不錯，特別係燒鹿肉~
食完飯又行返出冬華美會場，今晚有開幕儀式同雪上活動，我哋諗住玩雪上電單車~
不過行到湖邊，冇乜燈光亦冇乜人，唔通係我睇錯咗資料？
就算冇開幕儀式都應該有雪上活動吖，但嚟到又好似乜都冇咁......
漫無目的咁喺會場度行咗一陣~
冇咗開幕儀式，但仍然有煙花放~
現場好大風，煙花本身爆完即刻被吹散，再加上手持相機，影到鬼五馬六~
不過好少可以咁近欣賞煙花，很不錯嘅體驗~
睇完煙花就行返旅館，完結今日行程~
沒有留言:
發佈留言