網走流氷観光砕氷船 → 網走監獄博物館、監獄食堂(午餐) → 旅館(晚餐) 【旅館：知床ノーブルホテル】
今日第一站「網走流氷観光砕氷船」
坐破冰船，係今次旅程嘅一個重點，不過成行否，一切都係看運氣~
網走嘅破冰船，同北歐嘅唔同~
網走嘅所謂破，喺我眼中只係撞開啲流冰，撞同破，係有分別嘅~
不過點都好，我哋都好感興趣~
前幾日我哋已經開始每日上船公司官網留意吓啲流冰情況，不過情況非常唔樂觀......
近幾日都冇流冰出現~
去到船公司嘅櫃位前，已經見到個顯示牌，話冇流冰~
咁當然，走去櫃位，等對方親口同我哋講先可以作實嘅~
我哋拎啲預約文件出嚟，對方睇完，於胸前用雙手打交叉狀，然後說：Today, no ice
佢繼續話，我哋可以選擇坐船去能取岬，繞一圈返嚟，2500 円(平過破冰船少少)；又或者取消行程~
船公司真係好識做生意，儘管我哋對咁樣遊一圈冇乜興趣，但為咗慰藉失望嘅心情，我哋決定參加，我相信唔少人都會咁做~
破冰船有兩隻~
船上旅客都唔少，甚至應該係滿座~
船上有幾塊流冰~
船向住前方一直行，喺我仲未睇到有咩景嘅時候就已經掉頭回航......
兩個人，咁就冇咗 5000 円......
如果知道係咁流，我哋絕對唔會坐！
用呢 5000 円去食餐好啲嘅都絕對開心過而家咁樣！
而家係失望過後嘅再次失望再加不岔！
呢 5000 円真係駛得好唔值！好唔值！好唔值呀~~~！
懷住不岔嘅心情行咗陣道の駅就離開~
下一站「網走監獄博物館、監獄食堂(午餐)」
售票處前方有條橋，呢條叫「鏡橋」，現場嘅介紹係咁寫：
「這座橋是架設於沿著網走監獄外牆潺流的網走川上，出入監獄時都必須經過。不知曾幾何時此橋開始被稱為鏡橋，希望渡橋時『抱著以河面為鏡照映我身，自整衣襟，靜心除垢之念走到對岸』。 網走監獄鏡橋的橋身迄今改建過四次，此座是重現仿照京都五條大橋的擬寶珠而建的網走監獄第二代鏡橋風貌。」
買完飛就往前走~
之後走到「庁舎(廳舍)」
裡面有少少關於監獄嘅介紹~
其中介紹有呢種「斜の格子」，監獄都咁講私隱，係罕見定係我見識少？
認真罕見嘅，仲有呢個「典獄は語る(典獄長寄語)」
想講嘅唔係佢個內容，係語音竟然有廣東話選擇！
再行落去就見到有滑雪道，仲要冇人，正！
現場附有三種用具，我哋輪流試過晒，原來真係好有分別~
水抱比較慢，但實在，基本上冇乜風險~
地下黃色嗰塊，可以放埋對腳上去，有速度感，但風險相當高，有可能好順利咁滑到底，但更大機會失平衡中途翻側......
掛起咗有五種顏色嗰啲，速度感同黃色嗰塊相約，較易平衡亦較易停，惟屁股同雪地間冇乜緩衝，比較凳同埋會痛~
我其中一次，用黃色，好叻仔冇中途失平衡，但一直滑到行人路先停得到，好彩冇人行過~ XDDD
一直都冇人嚟，玩到夠皮就繼續參觀~
「職員官舎」
呢條路封咗，否則應該會有好多人喺度跣親~
「旧釧路地方裁判所網走支部法廷復原棟」，入面有啲模擬場景~
「味噌蔵」，現場嘅介紹係咁寫：
「為了節省經費，追求自給自足的網走刑務所於監獄成立不久後的 1892 年，建造了約100平方公尺的工廠生產味噌、醬油。」
「休泊所(休息所)」，現場嘅介紹係咁寫：
「受刑人於獄外作業，無法當日來回時，就在被稱為『休息所』的臨時小屋裡過夜。當 1891 年中央道路開控工程時，共投入了 1200 人的受刑人人力，於是也被稱為『移動監獄』。」
喺呢度發生咗撞衫事件~ XDDD
「つけもの庫(漬物倉庫)」，現場嘅介紹係咁寫：
「網走地區開始自給自足耕作蔬菜是在 1882 年，也是網走農業的起點。網走分監也於創設時就開始栽種蔬菜，等到後來二見及湖畔農場開墾完畢，開始穀類生產之後，自給自足體制也步上軌道。」
「監獄歷史館」，入面擺放咗啲監獄陳設，而最特別嘅係入面有個影像台，影像投射到四邊帳篷，配合立體音效，感覺置身其中~
影像內容係關於 1891 年中央道路嘅開控工程場景，同樣，語音有廣東話選擇~
「浴場」，現場嘅介紹係咁寫：
「為使近 1000 名的受刑人能有效率的洗澡，入浴時間為 15 分鐘，依照刑務工作的組別分組入浴。在脱衣處脱去衣服後，於第一浴槽前排開，依看守號令進入浴槽。 三分鐘後起身、清洗身體後進入第二浴槽，接着刮鬍子。所有動作時間皆為三分鐘完成，含脱衣總共 15分鐘完成入浴動作。浴槽之所以建造較深，是為了讓囚犯不必屈膝且必須高舉雙手入浴洗澡。雖然同樣不允許私下談話，但入浴依然為受刑者最期待的時間。」
「飯堂」
「作業場」
「旧網走監獄舍房及び中央見張所(舊網走監獄舍房及中央看守所)」，現場嘅介紹係咁寫：
「此舍房於明治 42 年(1909 年) 的火災中燒毀後於明治 45 年(1912 年)重建成放射狀的舊網走監獄舍房，取代原先的並列型舍房。採用以中央看守所為中心而建造的雜居牢房、獨居牢房、鎧甲形格子窗、人字形格子窗，有著獨特建築工法，直至昭和 59 年(1984 年) 9 月為止都做為網走監獄的牢房使用。完全保留明治時代牢房氣息的舍房，堪稱是日本國內最大規模，特別是木造建築的部分，做為現存在日本國內最北端的監獄，富含貴重的學術價值。」
暖氣設備~
斜格子的設計~
第五舍當中，有一部份係獨居房~
當中有分為「屏禁罰或重屏禁」，現場嘅介紹係咁寫：
「在獄中若違規，依典獄長判斷，也許只需要接受職員訓誡，然則當違規行為擾亂他人秩序或重複違反規定者，將被施予「屏禁罰」。「屏禁罰」將違規者關進獨居房中一定的時間，期間禁止離開房舍並給予少許飲食令其反省。而「重屏禁 」則為更進一步，將違規者關進闇室不給寢具的嚴苛懲罰。」
另外仲有「監獄の寒た(寒冷的監獄)」，現場嘅介紹係咁寫：
「此獨居房曾收容過許多的政治犯，而以下他們所留下的話語，訴說著網走監獄嚴苛的生活。
『就只是冷。遠勝寒徹骨髓的冷，直到如今，在網走六年的記憶依然被那份寒冷凍結著。在仲冬，低於零下三十度的情況並不少見，網走監獄即使開了暖氣，牢房也在零下八、九度。吐出的空氣在接觸到牆壁的瞬間結凍，就像無數的千金平糖般。千金平糖不只在牆上，一個不注意便會凍結在眉梢、鼻頭。若不隨時注意摩擦鼻子取暖，鼻子便要像凍傷般溶解腐壞。』
德田球一・志賀義雄「獄中十八年」昭和22年 (1947 年)」
「煉瓦造り独居房(磚造獨居房)」，現場嘅介紹係咁寫：
「在明治時代，凡是不遵守監獄規定者就会受到減少伙食及獨居隔離的處罰。在黑暗且沒有窗户的獨居房內生活，對受刑人而言是非常難熬的日子。」
「懲罰房」，現場嘅介紹係咁寫：
「這是樺戶(現在的月形町)急治監用的懲罰房。小屋周圍被圍上木柵欄，一絲光線也無法進入，於是也就被稱作『暗室』。」
「教誨堂」
網走監獄隨影~
呢間監獄博物館幾有心思，好多場景有晒假人去展示當時嘅情況，仲有兩處短片有廣東話選擇，真係好少有，好有心~
小冊子介紹佢有兩條參觀路線，一條快嘅，一條完整嘅，完整嘅需時 90 分鐘，但我哋行咗 95 % 就用咗三個幾鐘......
由於比預期用多咗好多時間，就喺度食埋飯先走~
呢度有間監獄食堂~
門口寫住 Open 10:00 - 14:30，下面有行日文字，再有 14:30 字眼，我懷疑係 14:30 last order~
而家 14:25，我哋走入去，同店員有過眼神交流，就問吓佢係咪唔可以再點嘢食~
對方話冇問題，請隨便點嘢食~
我哋都唔多諗，嚟得監獄，就食監獄餐啦~
咪住先，兩款監獄餐都好似麻麻地喎......都係咪嘞~
最後叫咗另外兩樣~
オホーツク網走ザンギ丼
(炸三文魚丼)
監獄カレー
(咖哩豬扒飯)
兩樣都唔錯~
本來諗住今日冇得出去破冰，會多咗時間，就諗住去完監獄就去北方民族館~
不過我哋喺監獄又比預期用多咗好多時間，所以都冇時間去北方民族館了~
(不過之後我發現北方民族館今日係例休日，所以點都係唔會去~)
完咗監獄行程，就搭巴士返旅館攞返行李，再轉車過知床~
由網走過知床，都係搭巴士，條巴士線叫「斜里バス女満別空港線」
上車前，司機問我哋去邊，我答道の駅宇呂登，佢再問我哋去邊間旅館，我答知床ノーブルホテル，佢就話 OK，唔通佢會車到我哋去酒店門口？
途中見到海面好多浮冰，不過已經入黑就唔係好影到~
巴士到咗，司機提我哋喺呢度落車~
佢停車嘅呢度係巴士總站，之後睇返地圖，巴士總站行過去旅館真係近少少，唔知點解當初我會諗住由道の駅宇呂登行過去......
好彩遇到個好心巴士司機~
呢頭啲路多數都係冰面，拖住個篋，平衡力又爭啲，要行得好小心~
我諗呢頭都冇咩人行，因為我哋踩上冰面時，啲冰係即時裂開，如果間中有人行，一早俾人踩裂晒啦~
呢間旅館嘅服務員態度，係今次旅程遇過最唔願做嘅~
其實咁樣對人，自己會好過啲咩？唔會囉~
我哋六點幾到，絕對唔算早，停車場得一架車泊咗喺度，向上望，只有三間房有燈，我諗今晚生意應該好差~
露台望出去見到有啲浮冰，但其實諗真啲，佢呢啲形狀，只係岸邊結咗冰又裂開咗嘅浮冰，唔係北方漂落嚟嗰啲~
仲有半個鐘先夠鐘食飯，出去附近行個圈先~
冇咩特別，行行吓就行到啲浮冰度~
返回旅館食晚餐，餐廳只有兩台客，計埋我哋就三台，可能就係先前見到得三間房有燈嘅客人~
晚餐算幾多嘢食，整體質素還可以~
食到尾聲，聽到有人 hello 我哋，望一望，原來係前面張檯嘅客，一男一女~
佢哋來自廣州，同我哋參加咗聽日同一個 day tour~
佢哋上年二月嚟過北海道，今年再嚟，最想經歷吓大雪嘅感覺，都唔知話佢哋好彩定唔好彩，啱啱錯過咗前幾日嘅暴風雪先嚟到北海道~
我又唔想祝福佢哋可以睇得到，畢竟大雪，對當地人嚟講未必係好事，仲可能有意外發生，順其自然吧~
沒有留言:
發佈留言